Presidenten: Frå representanten Rolf Reikvam ligg det føre søknad om permisjon i dagane 19. og 20. mai for å delta på studietur med Nordisk Råd til St. Petersburg og Komi i Russland.
Presidenten gjer framlegg om at søknaden blir handsama straks og innvilga. – Det er vedteke.
Frå første vararepresentant for Akershus fylke, Siri Hall Arnøy, ligg det føre søknad om å bli friteken frå å møte i Stortinget under representanten Rolf Reikvams permisjon i dagane 19. og 20. mai, på grunn av sjukdom.
Etter forslag frå presidenten vart samrøystes vedteke:
Søknaden blir handsama straks og innvilga.
Andre vararepresentant frå Akershus fylke, Erlend Helle, blir innkalla for å møte i permisjonstida.
Erlend Helle blir innvald i Lagtinget for den tida han møter for representanten Rolf Reikvam.
Presidenten: Erlend Helle er til stades og vil ta sete.