Begrunnelse

Det er viktig å kunne delta i politiske prosessar, det vere seg som folkevald eller politisk tilsatt nasjonalt og lokalt. Folkevalde og politiske sekretærar blir som andre kalla inn til årleg trening i heimevernet. Mot slutten av våren og hausten er det særlege hektiske periodar i landets folkevalde organ, både lokalt og nasjonalt, noko som kan gjere det krevjande å kombinere deltaking i politiske prosessar med å gjennomføre HV-trening. Det vil vere nyttig med ei klargjering av gjeldande praksis, og om kva statsråden meiner bør vere retningslinjene for å kunne kombinere sine plikter som folkevald eller politisk sekretær med sine plikter som soldat i Heimevernet.