Alfred Jens Bjørlo (V): I kva grad legg statlege innkjøpsavtaler og innkjøpsregelverk til rette for gjenbruk av møblar som alternativ til å kjøpe nye møblar i statlege nybygg og rehabiliteringsprosjekt, og kan det ev. gjerast endringar i statleg regelverk/innkjøpsrutiner for å legge til rette for meir gjenbruk av møblar/oppgradering av eksisterande møblar som alternativ til å kjøpe nye?
Begrunnelse
Overgangen frå vår tradisjonelle «bruk og kast»-økonomi til ein sirkulærøkonomi som systematisk legg opp til resirkulering, gjenbruk og å ta vare på ressursane, er kompleks og berører mange område. Eitt av områda der vi veit det er stort potensiale for å auke gjenbruksgraden og levetida på produkt, er møblar.
Når ein t.d. gjennomfører eit stort statleg nybyggprosjekt eller rehabiliteringsprosjekt av bygg, er det vanleg å inngå kontrakter der det blir lagt opp til kjøp av nye møblar frå den leverandøren som vinn eit anbud på innkjøp av møblar. Dette som alternativ til ein modell der ein t.d. systematisk ser på moglegheitene til å gjenbruke eksisterande møblar, evt. oppgraderer desse med nye møbeltrekk, nødvendige reparasjonar etc. – eller kjøper inn brukte møblar i god stand.
Dersom ein ønskjer å få ein overgang til meir gjenbruk av møblar også i statlege byggeprosjekt, er det viktig å vite om dette er mulig og enkelt innanfor dagens regelverk for offentlege innkjøp, eller kva endringar som må til i regelverk og retningsliner for å få i gang ein slik overgang til meir gjenbruk av møblar framfor innkjøp av nye som standardløysing.