Skriftlig spørsmål fra Silje Hjemdal (FrP) til barne- og familieministeren

Dokument nr. 15:1913 (2022-2023)
Innlevert: 05.04.2023
Sendt: 11.04.2023
Besvart: 21.04.2023 av barne- og familieminister Kjersti Toppe

Silje Hjemdal (FrP)

Spørsmål

Silje Hjemdal (FrP): Kan familieministeren sørge for fortgang i prosessen slik at barn kan trygges bedre mot overgrep, herunder legge frem forslag til endringer i barneomsorgsattesten som har vært etterlyst gjennom mange år?

Begrunnelse

Undertegnede har ved flere anledninger stilt spørsmål til ulike ministre om fremgang for arbeidet med politiattester for dem som jobber med barn, barneomsorgsattest.
I et av dem, Dokument nr. 15:1858 (2021-2022) , spurte jeg justisministeren om følgende :

«Kan ministeren redegjøre for arbeidet med gjennomgang av barneomsorgsattestordningen og vil hun snarlig legge frem forslag til forbedringer?»

Nå er det gått ytterligere et år siden dette spørsmålet og fremdeles har lite skjedd.
I dag fikk vi en ny påminner i BT om hvorfor endringer er viktig.

«For fire år siden ba kommunen om strengere regler. Fremdeles jobber 80 ansatte uten politiattest med barn.
– Et hull i lovverket som bør gjøres noe med, mener Anita Soltveit som jobber ved Fysak Slettebakken.»

«Vi kan kreve politiattest for alle ansatte i barnehager og skoler, mens samme hjemmel ikke finnes for ansatte i idrettsanlegg, sier byråd Linn Katrin Pilskog.»

Jeg og Frp presset på for endringer i regelverket for ansatte i barnehager og skoler men er etter hvert oppgitt over tiden departementene bruker på å gjøre endringer for idretten.
Vi har den siste tiden lest en rekke stygge saker om overgrep innen idretten.
Både offentlige og private aktører vil gjerne gjøre mer for å trygge barn mot overgrep. For barna det gjelder er endringer i regelverket selvsagt av stor betydning da dette vil kunne forebygge bedre. Det vil også gi mer trygghet til arbeidsgivere og ikke minst foreldre som sender barna sine på ulike aktiviteter.
Kilde: https://www.bt.no/innenriks/i/jlrPJ0/for-fire-aar-siden-ba-kommunen-om-strengere-regler-fremdeles-jobber-80-ansatte-uten-politiattest-med-barn

Kjersti Toppe (Sp)

Svar

Kjersti Toppe: Det er eit stort og viktig politisk ansvar å førebyggje vald og overgrep mot barn og unge. Krav om barneomsorgsattest er eit viktig verkemiddel i den samanheng, og bidrar til å sikre at mindreårige blir teke hand om av skikka personar.
Eg har nyleg lagt fram to proposisjonar med forslag om krav om barneomsorgsattest for nye yrkesgrupper. Prop. 79 (2022–2023) Endringer i barnelova mv. (krav om barneomsorgsattest) blei fremma i statsråd 31. mars 2023. Proposisjonen føreslår krav om barneomsorgattest for tilsette ved Barneombodet og familievernkontora som skal utføre oppgåver som føreset eit ansvars- eller tillitsforhold overfor mindreårige, sakkunnige som blir oppnemnde av det offentlege i saker etter barnevernslova og barnelova, representant for barnet som blir oppnemnt i saker etter barnelova og eksterne meklarar etter barnelova og ekteskapslova. I tillegg fremma eg Prop. 64 L (2022–2023) Endringer i barnevernsloven m.m. i statsråd 24. mars 2023, der eg mellom anna føreslår eit krav om at eigarar av private barnevernsinstitusjonar legg frem barneomsorgsattest.
Desse proposisjonane følgjer opp forslag i høyringsnotat frå arbeidsgruppa, der det i høyringa òg kom opp nye forslag. Det pågår arbeid i fleire departement på feltet.
Det er Justis- og beredskapsdepartementet som har det overordna ansvaret for politiregisterlovgjevinga, og som gir dei generelle reglane for utskriving av politiattest, irekna barneomsorgsattest. Slik justis- og beredskapsministeren viste til i sitt svar til representanten Hjemdals skriftlege spørsmål i Dokument nr. 15:1858 (2021–2022).
I grunngjevinga for spørsmålet sitt viser representanten til ein artikkel frå Bergens Tidende som særleg gjeld ønske om krav om politiattest for personar som arbeider i idrettsanlegg eller på andre arenaer der det går føre seg aktivitet for barn og unge. Politiregisterforskrifta kapittel 34 opnar allereie for at det kan sendast ut barneomsorgsattest til personar som skal tilsettast i eller ha oppgåver for fritidsklubbar, frivillige organisasjonar eller kulturinstitusjonar, og der oppgåvene føreset eit ansvars- eller tillitsforhold for mindreårige. Det same gjeld dei som skal drive organisert treningsverksemd for barn, men i slike tilfelle er det ei plikt å leggje fram barneomsorgsattest.
Kultur- og likestillingsdepartementet har eit ansvar for idrettssektoren, og vil vurdere om det trengs nye heimlar på dette området. Eg viser elles til svar frå kultur- og likestillingsministeren på skriftleg spørsmål i Dokument nr. 15:1352 (2022–2023) om korleis ein skal leggje til rette for å førebyggje overgrep i frivilligheita og elles i idretten.
Når det gjeld kva for straffebod som skal inngå i barneomsorgsattesten, så er dette til handsaming hos Justis- og beredskapsdepartementet.
Avslutningsvis vil eg, på same måte som justis- og beredskapsministeren i sitt svar i Dokument nr. 15:1858 (2021–2022), understreke at ein politiattest utan merknader ikkje er nokon garanti for at den aktuelle personen ikkje har brote lova eller kjem til å gjere det i framtida. Arbeidsgjevarar og andre organisasjonar må òg arbeide på andre måtar for å beskytte barn og unge mot overgrep og gjere konkrete vurderingar av dei som skal gjere arbeid i nærleiken av barn og unge.
Regjeringa arbeider òg med ei opptrappingsplan mot vald og overgrep mot barn og vald i nære relasjonar, som etter planen skal leggjast fram i 2023. Føremålet er mellom anna å leggje til rette for betre førebyggjing og avdekking, auka kompetanse og styrka samarbeid mellom ulike tenester og sektorar. Justis- og beredskapsdepartementet leiar arbeidet, og åtte departement er involverte i utarbeidinga av planen.