Begrunnelse

Stord kommune er inne i ein periode med stor aktivitet i næringslivet som i seg sjølv er bra. Det er stort behov for arbeidskraft og det er nå 6 000 leigearbeidarar som går i turnus knytt til prosjekta.
Verdiskapinga frå verksemdene på Stord er me stolte av. Men me tar ikkje dette for gitt. Verksemdene har forventningar til infrastruktur, næringsareal, bolig, fritidsaktivitetar og andre tenester frå privat og offentlege sektor. Den høge aktiviteten setter m.a. de kommunale tenestene under press. Dette gjelder særleg helsetenestene. Situasjonen har blitt endå meir krevjande gjennom flyktningkrisa me no står i. Stord kommune er klar for å ta sin del av ansvaret for dei nasjonale utfordringane, men me meiner at dagens inntektssystem for kommunane ikkje tar omsyn til verdiskapinga som arbeidskrafta representerer. Det vil sei at den delen av skatten som kjem kommunen til gode, er knytt til bustadadresse, ikkje til kommunen der personane jobbar. I Stord kommune blir ein uforholdsmessig stor del av skattekronene, betalt til det sentral skattekontoret. Dette meiner me er urimeleg. Det eksisterer no et misforhold mellom våre inntekter og personar som har rett og krav på tenester frå kommunen. Det har blitt tatt grep i forhold til vindmøller og havbruk, med etablering av grunnrenteskatt. Her meiner me det er klare parallellar til vår sak. Det er ikkje meir enn rett og rimeleg at ein større del av skatteinntektene kommer vertskommunane til gode.