Sigbjørn Gjelsvik (Sp): Kva meiner statsråden er dei viktigaste årsakene til at gjennomsnittleg byggekostnad pr. kvadratmeter er vesentleg høgare i Noreg enn i Sverige, og kva tiltak vil statsråden kome med for å redusere denne forskjellen?
Begrunnelse
Det er store forskjellar i den gjennomsnittlege kostnaden per kvadratmeter for bustadbygging i Noreg kontra Sverige. Partner i Union Boligutviklingsfond, Baard Schumann, hevda nyleg i podkasten Ness, gjengitt av Inyheter 31. mai d.å., at bustadbygging kostar 55.000 kroner per kvadratmeter i Noreg mot 32.000 i Sverige. Han viste vidare til at verken råvarekost eller inntening i bransjen kan forklare dei store forskjellane, men viste derimot til lover og reguleringar som den primære årsaka.