Kjersti Toppe (Sp): Kan statsråden gi ei oversikt over forseinkingar, stopp og stengingar av Bergensbanen dei siste 3 månadane, kva informasjon og tiltak som reisande får i desse tilfella, og kan statsråden informere om kva planar som finnast for å sikre beredskap og regularitet på Bergensbanen på kort og lengre sikt og sikre betre informasjon og erstatning til passasjerer, og kan statsråden forstå at folk får " tog- angst" av det som no skjer?
Begrunnelse
Bergensbanen blir omtalt som ei av verdast vakraste togreiser. Men passasjerar opplever stadig fleire stans og stopp, av ulike årsaker. I løpet av sommaren har det vore svært mange tilfelle med stenging eller forseinkingar på Bergensbanen. I følge NRK har det vore fem større hendingar på over ein månad, I slutten av juni kvelva eit tre over linja og stansa all trafikk i fleire timar. 11. juli spora eit godstog av ved Myrdal stasjon, og 12. juli var det straumbrot som også førte til full stans. 1 .august var det straumproblem som stengte Bergensbanen mellom Nesbyen og Fåp. 5. august var det først straumbrot og så brann i overbygg. II tillegg var full stopp også 11. juni, grunna teknisk feil på ei bru. Det er også sikkert fleire hendingar enn dette.
Passasjerer seier dei får lite informasjon, det blir ikkje lagt godt nok til rette for alternativ transport, og det har blant anna vore problem med toalettfasilitetar for dei som må vente. I tillegg er maten som blir tilbydd ved timesvise lange forseinkingar, ikkje noko ein kan vere fornøgd med (barar og vatn). Passasjerar fortel dei må ordne alternativ transport sjølv, dei må sjølv søkje refusjon. Mange blir frustrerte og passasjerar fortel at dei no er "alltid er like spente på om Bergensbanen faktisk går", og opplever "togangst". Dette kan etter mitt syn ikkje fortsetje, og vil føre til at folk endrar reisevanar og vel bort tog som transportveg.