Statens vegvesen har peika ut prosjektet E16 Hylland-Slæen som førsteprioritet. Den nye tunnelen mellom Aurland og Voss vil erstatte rasutsette og utdaterte tunnelar, og er klar til byggestart så snart finansiering er på plass.

Kvifor prosjektet er viktig:

• Tryggleik: Eliminerer rasfare og oppfyller tunnelsikkerheitsforskrifta. Dagens veg er bratt, smal og farleg.
• Beredskap: E16 er del av nasjonalt beredskapsnett. Prosjektet styrkar evna til evakuering, forsyning og militær mobilisering.
• Pendlarar og næringsliv: Ved stenging blir det ekstremt lang omkøyring. Pendlarar i bu- og arbeidsområdet kan få reiseveg opp mot åtte timar dagleg.
• Sirkulær ressursbruk: Tunnelmassar, inkludert verdifull anortositt, skal nyttast til steinullproduksjon, asfalt og betong, og gir miljøgevinst og lokal verdiskaping.
• Reiseliv: E16 er del av ein reiselivskorridor i verdsklasse. Ein trygg og effektiv veg styrkar heilårsturisme og internasjonal tilgjenge.

Klar til oppstart: Prosjektet har vedteken reguleringsplan og ekstern kvalitetssikring (KS2). Prosjektet har høg nytteverdi og kan realiserast raskt.

Prosjektet Hylland-Slæen har førsteprioritet i Sognaregionen, som består av kommunane Luster, Sogndal, Årdal, Vik, Aurland og Lærdal.

Sognaregionen ber Storting og regjering om å prioritere prosjektet E16 Hylland-Slæen i statsbudsjettet for 2026.