Hellas statsminister Alexis Tsipras vil tale til forsamlinga og også svare på spørsmål.

Rapporten om den demokratiske utvikling i Tyrkia vil bli lagt fram av Ingebjørg A. Godskesen (FrP) og hennar medrapportør Nataša Vuckovic (Serbia). Godskesen er oppnemnt som rapportør på Tyrkia på vegne av PACEs overvakingskomité.

Andre sentrale rapportar som skal opp til diskusjon, omhandlar kamp mot seksualisering av barn, bruken av «administrativ detention», openheit i europeiske institusjonar, kvinner i væpna styrker (fremme likestilling og førebygge kjønnsbasert vald).

Stortingets delegasjon til Europarådets parlamentarikarforsamling (PACE) deltar med følgjande medlemmer: delegasjonsleiar Ingjerd Schou (H), nestleiar Lise Christoffersen (A), Frank J. Jenssen (H), Morten Wold (FrP), Kristin Ørmen Johnsen (H), Ingebjørg A. Godskesen (FrP) og Hans Fredrik Grøvan (KrF).

Les sesjonens agenda.

Europarådet og parlamentarikarforsamlinga

Europarådet blei oppretta i 1949 og har i dag 47 medlemsland. Europarådet har til formål å arbeide for styrking av menneskerettane, demokrati og rettsstaten i medlemslanda.

Europarådets parlamentarikarforsamling (PACE) består av representantar for medlemslandas nasjonalforsamlingar, totalt 324 medlemmer (og 324 varamedlemmer). Forsamlinga har ein rådgivande funksjon og spelar ei vesentleg rolle i Europarådet. Den vedtar resolusjonar og anbefalingar til medlemslandas parlament og regjeringar på ein rekke område, og overvaker i kva grad dei nye medlemslanda overheld sine forpliktingar som medlem.