Det har den seinare tida vore sett fram opp til fleire klager om korrupsjon blant medlemmer og tidlegare medlemmer av Europarådets Parlamentarikarforsamling (PACE). Dette har fått nordiske og baltiske delegasjonar til å gå saman om eit brev til forsamlingas øvste organ Byrået.

I brevet tar dei til orde for at Byrået snarast må sette i verk ei uavhengig gransking av klagene om korrupsjon. Dei presiserer at ei gransking må skje i full openheit. Dei ønskjer også ein gjennomgang av organisasjonens etiske retningslinjer og medlemmenes etterleving av desse.

Delegasjonane legg vekt på at som del av Europarådet, den fremste menneskerettsorganisasjonen i Europa, kan det ikkje være tvil om parlamentarikarforsamlingas integritet og nulltoleranse for korrupsjon. Parlamentarikarforsamlingas både styrke og grunnlag ligg i medlemmenes integritet og moral.

Delegasjonsleiar Ingjerd Schou (H) signerte brevet på vegne av den norske delegasjonen.

Les brevet.

Stortingets delegasjon til Europarådets Parlamentarikarforsamling (PACE).