Departementet har forståing for at Skattedirektoratet og likningskontora kan trenge noko meir tid på arbeidet med skatteoppgjeret for dei som leverer forenkla sjølvmelding.

       Departementet foreslo i St.meld. nr. 35 (1986-1987) s 148-148, at fristen til å varsle om feil eller manglar i likningsutkastet skulle vere to veker. Stortinget fant at ein frist på to veker var noko kort og sette fristen til tre veker. Departementet har difor ikkje funne grunn til å gjere framlegg om å redusere fristen for å varsle om feil eller manglar i likningsutkastet.

       I brev av 13. januar 1994 skreiv departementet følgjande til Skattedirektoratet:

« For inntektsåret 1993 antar departementet at en bør lempe på fremdriftsplanen ved å forskyve datoen for å legge ut ligningen med en uke. Departementet tar sikte på å orientere Stortinget om dette synspunkt på en egnet måte. Det videre opplegg vil måtte vurderes i lys av Stortingets eventuelle merknader og av erfaringene med en forskjøvet framleggelse. »

Komiteen sine merknader

       Komiteen slutter seg til departementets vurdering.