Til Odelstinget.
Stortingsrepresentantene Jan Simonsen og Tor Nymo har den 14. juni 1994 sett fram følgjande forslag:
« Vedtak til lov
om endring i lov av 13. august 1915 nr. 6 om rettergangsmåten for tvistemål (tvistemålsloven).
I.
I lov av 13. august 1915 nr. 6 om rettergangsmåten for tvistemål (tvistemålsloven) gjøres følgende endring:
§ 407 nytt andre ledd skal lyde:
Gjenopptakelse kan også besluttes når særlige forhold gjør det tvilsomt om dommen er riktig og tungtveiende hensyn tilsier at dommen blir prøvet på nytt.
II.
Denne lov trer i kraft straks. »
I grunngjevinga for forslaget vert det m.a. vist til at reglane om gjenopptaking i tvistemålslova og straffeprosesslova er relativt like. På eitt punkt er det likevel ein viktig skilnad. For straffesaker er det gjeve ein regel som gjer det mogleg å vedta gjenopptaking dersom særlege tilhøve reiser tvil om dommen er rett, og tungtveiande omsyn talar for at skuldspørsmålet blir prøvt på ny. I tvistemålslova finn ein ingen slik tryggleiksventil.
I dag tyder alt på at regelverket gjer det i praksis nestan umogleg å få gjenoppteke sivile saker, og forslagsstillarane føreslår difor ei endring som gjev likskap mellom straffesaker og sivile saker.