Komiteen viser til proposisjonen og rår Odelstinget til å gjere slikt
vedtak til lov
om endringar i lov av 21. desember 1979 nr. 77 om jordskifte o.a. (jordskifteloven) m.m.
I.
I lov av 21. desember 1979 nr. 77 om jordskifte o.a. (jordskifteloven) vert det gjort følgjande endringar:
§ 2 f) skal lyde:
forme ut eigedomane når grunn og rettar skal avhendast i samsvar med formålet i lov 12. mai 1995 nr. 23 om jord.
§ 74 skal lyde:
For jordskiftesak og grensegangssak behandla ved jordskifterett skal ein betale 5 gonger rettsgebyret i registreringsgebyr og 1 gong rettsgebyret pr. part (partsgebyr). Ved grensemerking skal det betalast 2 gonger rettsgebyret for første påbegynte 0,5 km merka grense og deretter 1 gong rettsgebyret pr. påbegynte 0,5 km (grenselengdegebyr).
For skjønn som jordskifteretten held som eiga sak eller som ledd i ei jordskiftesak, skal ein betale 5 gonger rettsgebyret for kvar dag eller del av dag skjønnet varer.
For anke til jordskifteoverrett skal ein betale 5 gonger rettsgebyret for kvar dag eller del av dag retten held rettsmøte. For anke til lagmannsrett gjeld reglane i lov 17. desember 1982 nr. 86 § 8 om rettsgebyr.
For stadfesting av minneleg jordskifte skal ein betale 5 gonger rettsgebyret.
For krav om gjenopptaking skal ein betale 5 gonger rettsgebyret. Blir kravet tatt til følgje, skal ein betale gebyr som for ny sak.
Dersom saka blir trekt tilbake eller nekta fremma, skal ein betale 2 gonger rettsgebyret.
Jordskifteretten kan endre dei samla gebyrkostnadene dersom arbeidsmengda i saka avvik mykje frå det vanlege.
Partane betaler elles jordskiftekostnadene så nær som fast kontorhald, porto, telekommunikasjon og løn, skyss- og kostpengar til tenestemennene.
Reglane i lov av 17. desember 1982 nr. 86 om rettsgebyr kap. 1 og § 27 gjeld tilsvarande dersom ikkje anna er fastsett i eller i medhald av denne lova.
II.
I lov av 19. juni 1992 nr. 59 om bygdeallmenninger skal § 1-2 andre ledd lyde:
Det kan selges eller festes bort parseller av bygdeallmenning til:
| a) |
Oppdyrking, herunder dyrking av kulturbeite. |
| b) |
Formål som står i forbindelse med driften av allmenningen eller med virksomhet som allmenningen deltar i. |
| c) |
Fremme av allmennyttige tiltak innen det bygdelag allmenningen tilligger. |
| d) |
Tomter for oppføring av boliger og fritidshus. Som hovedregel kan slike tomter bare festes bort, og bare i særlige tilfelle selges. |
III.
Dei nye gebyrreglane gjeld for alle saker som er kome inn til (kravd) jordskifteretten etter at lova har trådt i kraft. For eldre saker gjeld dei tidlegare reglane.
|
Oslo, i næringskomiteen, den 5. desember 1995.
|
| Svein Ludvigsen, |
Unn Aarrestad, |
William Engseth, |
| leiar. |
ordførar. |
sekretær. |