Stillingstrongen i den nye domstoladministrasjonen på om
lag 65 personer vil bli dekt inn ved overføring av stillingar
frå Justisdepartementet og RIFT.
Justisdepartementet reknar med at omstillingskostnadene vil kunne
utgjere om lag kr 23 000 000. Under etableringsfasen
er det vidare trong for omkring kr 6 000 000
til dekning av eingongsinvesteringar. Dei årlege driftskostnadene
vert om lag kr 40 000 000. Av dette vil
om lag kr 35 000 000 kunne overførast
frå kap. 400 Justisdepartementet og kap. 410 Herads- og
byrettane. Det vert foreslått at den nye domstoladministrasjonen
vert etablert så raskt som mogleg, men det synest tidlegast å kunne
skje i løpet av andre halvår 2002.
Den samla meirutgifta i samband med innføringa av ny
handsamingsmåte for sakene om dommarutnemningar er sett
til kr 500 000 pr. år.
Endringar knytt til dommarfullmektigar, ekstraordinære
lagdommarar og tilkalla dommarar reknar ein med vil utgjere ein årleg
meirutgift på 10-15 mill. kroner.
Domstoladministrasjonen sitt årlege arbeid med registrering
og godkjenning av sidegjeremål er rekna å koste
ca. kr 100 000. I tillegg kjem utviklingskostnader
på kr 230 000.
Samla årleg kostnad til klage- og disiplinærordninga
blir ca. kr 250 000.