Ved lov 21. desember 2000 nr. 111 blei det vedteke endringar
i skattelova § 4-31 som førte til at
tidlegare første ledd i skattelova § 4-31
blei erstatta med nye lovføresegner som blei inntekne i
skattelova § 4-31 første til tredje ledd.
Tidlegare andre og tredje ledd i skattelova § 4-31
blei samstundes ført vidare i skattelova § 4-31
nye fjerde og femte ledd.
Lovføresegna i skattelova § 6-40 fjerde
ledd viser mellom anna til lovføresegna i skattelova § 4-31 tredje
ledd. Ved ein feil blei jamføringa i skattelova § 6-40
fjerde ledd til skattelova § 4-31 tredje ledd ikkje
retta i samband med lovendringa 21. desember 2000 nr. 111. Rett
jamføring skal vere til skattelova § 4-31
femte ledd. Regjeringa foreslår at skattelova § 6-40
fjerde ledd endrast i samsvar med dette.
Regjeringa foreslår at endringa blir sett i kraft straks
med verknad frå og med inntektsåret 2003.
Komiteen slutter seg til Regjeringens
forslag til endring av skatteloven § 6-40 fjerde
ledd.