Forslag fra Fremskrittspartiet, Høyre og
Kristelig Folkeparti:
Forslag 1
§ 2-4 skal lyde:
§ 2-4 Undervisninga i faget kristendoms-, religions- og livsynskunnskap
Kristendoms-, religions- og livssynskunnskap er eit ordinært
skolefag som normalt skal samle alle elevar.
Undervisninga i faget kristendoms-, religions- og livssynskunnskap
skal
gi kjennskap til Bibelen og kristendommen
som kulturarv
gi kjennskap til evangelisk-luthersk kristendomsforståing
og ulike kristne kyrkjesamfunn
gi kjennskap til andre verdsreligionar og sekulære livssyn
gi kjennskap til etiske og filosofiske emne.
Undervisninga i kristendoms-, religions og livssynskunnskap skal
fremje forståing og respekt for kristne og humanistiske verdiar
og fremje forståing, respekt og evne til dialog mellom menneske
med ulik oppfatning av trudoms- og livssynsspørsmål.
Undervisninga i kristendoms-, religions- og livssynskunnskap
skal presentere ulike religionar og livssyn på ein fagleg og sakleg
måte ut frå deira eigenart. Dei same pedagogiske prinsippa skal
leggjast til grunn for undervisninga i dei ulike emna.
Undervisninga i faget skal ikkje vere forkynnande.
Forslag fra Venstre:
Forslag 2
§ 2-4 skal lyde:
§ 2-4 Undervisninga i faget religion, livssyn og etikk
Religion, livssyn og etikk er eit ordinært skolefag som normalt
skal samle alle elevar. Undervisninga i faget skal ikkje vere forkynnande.
Undervisninga i religion, livssyn og etikk skal gi kjennskap
til kristendommen, andre verdsreligionar og livssyn, kjennskap til
kva kristendommen har å seie som kulturarv og til etiske og filosofiske
emne.
Undervisninga i religion, livssyn og etikk skal bidra til forståing,
respekt og evne til dialog mellom menneske med ulik oppfatning av
trudoms- og livssynsspørsmål.
Undervisninga i religion, livssyn og etikk skal presentere ulike
verdsreligionar og livssyn på ein objektiv, kritisk og pluralistisk
måte, og slik at kvar religion og kvart livssyn vert framstilt på
ein fagleg og sakleg måte ut frå deira eigenart. Dei same pedagogiske
prinsippa skal leggjast til grunn for undervisninga i dei ulike
emna.