1. Kap. 5350 (Nytt) Tilbakeføring av middel frå Statens banksikringsfond

       I Nasjonalbudsjettet 1995 kap. 5.4.1 blir Stortinget sitt vedtak av 17. juni 1994 omtalt. Regjeringa blir her bedt om å redusere Statens banksikringsfond med 260 mill. kroner.

       På bakgrunn av Stortinget sitt vedtak av 17. juni 1994 blir det på statsbudsjettet for 1994 gjort framlegg om ei tilbakeføring frå Statens banksikringsfond på 260 mill. kroner. Beløpet blir løyvd under (nytt) kap. 5350 Tilbakeføring av middel frå Statens banksikringsfond, post 50 Overføring. Det blir elles vist til nærare omtale av Statens banksikringsfond i Nasjonalbudsjettet 1995.

       Komiteen, medlemmene frå Arbeidarpartiet, Erik Dalheim, Laila Kaland, Berit Brørby Larsen, Tore Nordtun, Bjørnar Olsen, Reidar Sandal og Karl Eirik Schjøtt-Pedersen, frå Senterpartiet, Magnhild Meltveit Kleppa, Per Olaf Lundteigen og Gudmund Restad, frå Høgre, Børge Brende, Per-Kristian Foss og Erna Solberg, frå Kristeleg Folkeparti, Odd Holten og Einar Steensnæs, frå Sosialistisk Venstreparti, Kristin Halvorsen og Eilef A Meland, frå Venstre, Lars Sponheim, frå Raud Valallianse, Erling Folkvord, og representanten Stephen Bråthen, viser til merknader frå komiteen og dei einskilde fraksjonane i B.innst.S.nr.IV (1993-1994). Komiteen sluttar seg til framlegget frå Regjeringa og har elles ingen merknader.

2. Nytt garantivedtak for innlån til Noregs kommunalbank i 1994

      I St.prp. nr. 1 (1993-1994) Finans- og tolldepartementet, vedtak IV, punkt 2, er det ved ein inkurie ført opp ei garantiramme på 28 mill. kroner. Det korrekte skal vere at det samla ansvaret for lån som Noregs kommunalbank har teke opp, ikkje må overstige 28.000 mill. kroner. I tabelloppstillinga over garantiordningar på side 19 og i tekstomtalen på side 20, er korrekt garantiramme oppgjeven.

       På bakgrunn av dette blir det gjort framlegg om nytt vedtak om at statens samla ansvar for statsgaranti for lån som Noregs kommunalbank har teke opp, ikkje må overstige 28.000 mill. kroner.

       Komiteen sluttar seg til framlegget.

3. Tilråding frå komiteen

     Komiteen viser til proposisjonen og til det som står framføre og rår Stortinget til å gjera slikt

       På statsbudsjettet for 1994 vert gjort følgjande endringar:

       Staten sitt samla ansvar for statsgaranti for lån som Noregs kommunalbank har teke opp, må ikkje overstige 28.000 mill. kroner i 1994.