Meldinga gjeld verksemda til Kommunalbanken i 1992 og 1993. Det er på nokre område i meldinga tatt med opplysningar fram til sommaren 1994.

       I samsvar med § 9 i lov av 15. juli 1949 om Noregs Kommunalbank har banken 10. februar 1993 lagt fram årsmeldinga om verksemda i 1992. Årsmeldinga for 1992 er trykt som vedlegg 1, rekneskapen som vedlegg 2 og meldingane frå revisjonen og tilsynsnemnda som vedlegg 3 og 4 til meldinga. Årsmeldinga om verksemda i 1993 blei lagt fram 23. februar 1994. Årsmeldinga for 1993 er trykt som vedlegg 5, rekneskapen som vedlegg 6 og meldingane frå revisjonen og tilsynsnemnda for 1993 er trykte som vedlegg 7 og 8.

       Departementet viser og til dei særtrykka av årsmeldingane som banken sjølv har gitt ut og sendt til Stortinget.