1. Innledning

       Til Stortinget.

       Finans- og tolldepartementet gjer med dette framlegg om endringar i statsbudsjettet for 1995 under kap. 1600 Finans- og tolldepartementet, kap. 1610 Toll- og avgiftsdirektoratet - toll- og avgiftsetaten, kap. 1615 Skattefutane, kap. 1616 Andre utgifter til skatte- og avgiftsinkrevjing, kap. 1618 skattedirektoratet - skatteetaten, kap. 4610 Toll- og avgiftsdirektoratet - toll- og avgiftsetaten, og kap. 4620 Statistisk sentralbyrå.

2. Kap. 1600 Finans- og tolldepartementet og kap. 1615 Skattefutane

       Til vidareutvikling av ny EDB-løysing for statsrekneskapen står det for 1995 under kap. 1615, post 11 Varer og tenester, 2,0 mill. kroner til rådvelde. Sidan denne vidareutviklinga i hovudsak kjem til å gå føre seg i regi av Finansdepartementet, blir det naudsynt å flytta den disponible løyvinga frå budsjettet til skattefutetaten (kap. 1615) over til budsjettet til Finansdepartementet (kap. 1600).

       På denne bakgrunnen gjer departementet framlegg om at den vedtekne løyvinga for 1995 under kap. 1615, post 01, blir sett ned med 0,9 mill. kroner, og at post 11 blir sett opp med 2,2 mill. kroner. Samstundes gjer departementet framlegg om at løyvinga under kap. 1600 Finansdepartementet, post 11, blir sett opp med 2,0 mill. kroner.

3. Kap. 1610 Toll- og avgiftsdirektoratet - toll- og avgiftsetaten

    For å forenkla administrasjonen av løyvinga under post 70 Tilskot til aksjonar, gjer departementet framlegg om ei teknisk omdisponering. Føremålet med løyvinga skal ikkje endrast.

4. Kap. 1616 Andre utgifter til skatte- og avgiftsinnkrevjing

      Løyvingsoverslaget for 1995 bygde på ei forventning om at innkrevjingsutgiftene framleis kom til å liggja på eit lågare nivå, men at nedgangen kom til å minka. Samstundes tok departementet omsyn til ein viss auke av gebyra i samband med skattebetalingsordninga.

       På bakgrunn av rekneskapstal for 1994 og statistikk for innkrevjingsverksemda pr. fyrste halvår 1995 er det grunn til å rekna med ein sterkare nedgang i innkrevjingsutgiftene i 1995 enn den løyvingsoverslaget bygde på. Departementet gjer framlegg om at den vedtekne løyvinga under kap. 1616, post 11 blir sett ned med 10,0 mill. kroner.

5. Kap. 1618 Skattedirektoratet - skatteetaten

     I St.prp. nr. 1 Tillegg nr. 11 (1992-1993), jf. B.innst.S.nr.II (1992-1993), vart det under kap. 1618 post 01 Løn og godtgjersler, løyvt 6,0 mill. kroner til å dekkja ekstrainnsatsen ved likningskontora i samband med gjennomføringa av skattereforma. Slik det var føresett, har behovet for denne ekstrainnsatsen gradvis falle bort, og han kjem difor til å bli avslutta innan utgangen av 1995.

       På denne bakgrunnen gjer departementet framlegg om at den vedtekne løyvinga for 1995 under kap. 1618, post 01 vert sett ned med 4,0 mill. kroner.

6. Kap. 4610 Toll- og avgiftsdirektoratet - Toll- og avgiftsetaten

       I løyvingsoverslaget for 1995 på 8,0 mill. kroner er det lagt til grunn minska gebyrinntekter som følgje av endringar, jf. St.prp. nr. 1 (1994-1995) frå Finansdepartementet.

       Talet på elektroniske deklarasjonar i TVINN-systemet auka meir enn departementet hadde rekna med. Inntektene på ekspedisjonsgebyr i 1995 kjem difor venteleg til å bli om lag 4,5 mill. kroner lågare enn løyvinga.

7. Kap. 4620 Statistisk sentralbyrå

    Status for innkrevjingsverksemda pr. 31. august 1995 ber bod om at det for året sett under eitt kjem til å bli utskrive tvangsmulkter for til saman om lag 3,2 mill. kroner, dvs. 2,8 mill. kroner mindre enn den vedtekne løyvinga.

       Når det gjeld dei eldre restansane, er dei på god veg til å bli nedbygde.

       På denne bakgrunnen gjer departementet framlegg om at den vedtekne løyvinga for 1995 under kap. 4620, post 04 Tvangsmulkt, blir sett ned med 2,8 mill. kroner til 3,2 mill. kroner.

8. Komiteen si tilråding

       Komiteen har ingen merknader, syner til proposisjonen og rår Stortinget til å gjere slikt

       På statsbudsjettet for 1995 vert det gjort følgjande endringar: