Det blir i proposisjonen fremja forslag om regulering av
grunnbeløpet i folketrygda og om auka løyvingar
på statsbudsjettet for 2000 som følgje av dette.
Det blir gjort greie for drøftingane
mellom staten, Norsk Pensjonistforbund, Funksjonshemmedes Fellesorganisasjon
og Landsorganisasjonen i Noreg. Drøftingsmøta
om regulering av grunnbeløpet blei haldne 30. og 31. mai
2000.
Under drøftingane la organisasjonane
fram eit felles krav om justering av grunnbeløpet med kr
250 per 1. mai 2000 for å dekke opp for avviket mellom
utviklinga i grunnbeløpet og årslønn
for alle grupper i 1999, og med kr 2 620(4,9
pst.) frå 1. mai 2000 ut frå retningslinene for
regulering av grunnbeløpet og resultata i årets
inntektsoppgjer for yrkesaktive. Organisasjonane krevde òg
at partane skulle bli samde om ein opptrappingsplan for grunnbeløpet
for å kompensere for tidlegare underregulering.
Gjennom drøftingane vart staten og
organisasjonane samde om at grunnbeløpet vert auka med
kr 2 140 med verking frå 1. mai 2000. Som en følgje
av dette forslaget vil pensjonen for dei einslege minstepensjonistane auke
med kr 3 828 i året. For eit minstepensjonistektepar vert
auken i pensjonen kr 6 600 per år. Meirutgiftene for 2000
av auken i grunnbeløpet vert omlag 3 610 mill. kroner,
inkludert reguleringa av statspensjonane per 1. mai 2000.
Tabellen nedanfor viser utviklinga i minstepensjonane
og pensjonane for unge uføre frå 1. januar 1990 etter
forslaget til pensjonsregulering.
Utvikling av minstepensjonane og pensjonane
for unge uføre i perioden 01.01.90-30.04.01. Kroner.
| Minstepensjon | Unge uføre
fødde før 1941 |
| Einslege | Ektepar | |
| Pr. år | Pr. mnd | Pr. år | Pr. mnd | Pr. år | Pr. mnd |
1.01.90-30.04.90 | 51 839 | 4 320 | 83 972 | 6 998 | 56 748 | 4 729 |
1.05.90-30.11.90 | 54 220 | 4 518 | 87 960 | 7 330 | 58 980 | 4 915 |
1.12.90-30.04.91 | 54 378 | 4 532 | 88 217 | 7 351 | 65 2901 | 5 4411 |
1.05.91-30.04.92 | 56 978 | 4 748 | 92 158 | 7 680 | 75 6882 | 6 3072 |
1.05.92-30.04.93 | 58 583 | 4 882 | 94 752 | 7 896 | 85 7753 | 7 1483 |
1.05.93-31.12.93 | 59 868 | 4 989 | 96 816 | 8 068 | 87 6484 | 7 3044 |
1.01.94-30.04.94 | 59 868 | 4 989 | 101 0885 | 8 4245 | 87 6484 | 7 3044 |
1.05.94-31.12.94 | 61 116 | 5 093 | 103 200 | 8 600 | 89 4844 | 7 4574 |
1.01.95-30.04.956 | 61 512 | 5 126 | 103 992 | 8 666 | 89 4844 | 7 4574 |
1.05.95-30.04.96 | 63 372 | 5 281 | 107 136 | 8 928 | 92 184 | 7 682 |
1.05.96-30.04.97 | 66 240 | 5 520 | 111 984 | 9 332 | 96 360 | 8 030 |
1.05.97-30.04.987 | 69 360 | 5 780 | 117 456 | 9 788 | 105 672 | 8 8018 |
1.05.98-30.04.999 | 81 360 | 6 780 | 140 040 | 11 670 | 112 752 | 9 396 |
1.05.99-30.04.00 | 84 204 | 7 017 | 144 912 | 12 076 | 116 676 | 9 723 |
1.05.00-30.04.0110 | 88 032 | 7 336 | 151 512 | 12 626 | 121 992 | 10 166 |
1 Frå 1.1.1991
2 Frå 1.1.1992
3 Frå 1.1.1993 (Pga. hevinga av aldersgrensa)
4 Fødde før 1943 (1.1.26-31.12.42)
5 Heving av sats for særtillegget for
ektepar frå 01.01.94. Ny sats 2x60,5 pst. av grunnbeløpet,
dvs. dobbelt av ordinær sats og
ny minstesats.
6 Heving av særtilleggssatsen frå 01.01.95.
Ordinær sats utgjorde 61,55 pst. av grunnbeløpet.
7 Heving av særtilleggssatsen frå 01.05.97.
Ordinær sats utgjer 63,2 pst. av grunnbeløpet
(minstesats 57,5 pst.).
8 Auking av garantert poengtall frå 3
til 3,3.
9 Heving av særtilleggssatsen frå 01.05.98.
Ordinær sats utgjer 79,33 pst. av grunnbeløpet,
medan minstesats utgjer 74 pst. av
grunnbeløpet.
10 Med atterhald om vedtak i Stortinget.
Kjelde: Sosial- og helsedepartementet
Frå 1998 til 1999 auka grunnbeløpet
og tilleggspensjonane med 4,5 pst. medan minstepensjonen
for einslege auka med 7,6 pst. og for ektepar med 8,1 pst. Ifølgje
Det tekniske berekningsutvalet for inntektsoppgjera var lønsveksten
frå 1998 til 1999 på om lag 4,9 pst. for alle
grupper under eitt.
I Revidert nasjonalbudsjett 2000 er det lagt
til grunn ein gjennomsnittleg vekst i løningane frå 1999
til 2000 på om lag 3 3/4pst. for
alle grupper under eitt og ein prisvekst på 2,6 pst.
Årsgjennomsnittet for grunnbeløpet
og tilleggspensjonane i folketrygda vil som følgje av reguleringane
i fjor og i år auke med 4,2 pst. frå 1999 til
2000. Minstepensjonen vil auke med kr 3 828 til kr 88 032 for einslege
og med kr 6 600 til kr 151 512 for ektepar per 1. mai 2000.
Det blir i proposisjonen gjort greie for dei
særlege skattereglane for pensjonistar som i 2000 i hovudsak
er ei vidareføring av skattereglane frå 1992.
Reguleringa har òg konsekvensar for
krigspensjoneringa, og for 2000 blir det rekna med meirutgifter
på 9 mill. kroner for krigspensjoneringa for militærpersonar
og på 22 mill. kroner for krigspensjoneringa for heimestyrkepersonell
og sivilpersonar. Krigspensjon blir samordna med pensjonar frå folketrygda.
Det blir gjort framlegg om at løyvinga under kap. 660 Krigspensjonering
aukar med 31 mill. kroner.
På bakgrunn av at avtalefesta pensjon
og pensjonstrygda for sjømenn skal regulerast i høve
til ytingane frå folketrygda, blir det gjort framlegg om
at statstilskottet til avtalefesta pensjon (kap. 666) aukar med
13 mill. kroner, og at løyvinga til pensjonstrygda for
sjømenn (kap. 664) aukar med 6 mill. kroner.
Det blir rekna med at det er eit meirbehov under
attføringspengar på 128 mill. kroner grunna auken
i grunnbeløpet. Det blir derfor foreslått at løyvinga
for 2000 under kap. 2543 Ytingar til yrkesretta attføring post
70 Attføringspengar aukar med 128 mill. kroner.
Det blir i proposisjonen gjort greie for endringar
i den sjablongutrekna levekostnadsfaktoren som blir nytta ved utrekning
av attføringsstønad. Endra grunnbeløp
og justering av levekostnadsfaktoren reknar ein med isolert sett
vil medføre eit meirbehov på om lag 9 mill. kroner
under løyvinga for attføringsstønad i
2000. På bakgrunn av dette blir løyvinga for 2000
under kap. 2543 Ytingar til yrkesretta attføring post 71
Attføringsstønad foreslått auka med 9
mill. kroner.