Olje- og energidepartementet viser i proposisjonen til
at AS Follum Fabrikker fekk løyve til å tileigna
seg 22,9 pst. av fallrettane i Hofsfossen i Begnavassdraget i Ringerike
kommune i Buskerud ved kongeleg resolusjon av 15. desember 1950.
Løyvet vart gitt for 50 år med heimfall til staten
15. desember 2000. AS Follum Fabrikker har seinare fusjonert med
Norske Skogindustrier ASA (Norske Skog). Hofsfoss kraftverk er eit elvekraftverk
100 pst. eigd av Norske Skog. I følgje Norske Skog har
kraftverket ein gjennomsnittleg produksjon på 153 GWh/år.
Olje- og energidepartementet inngjekk avtale
med Norske Skog 14. desember 2000 om heimfall og tilbakesal av 22,9
pst. av Hofsfoss kraftverk for 42 mill. kroner.
Gjennomføringa av kontrakten har gjort
det naudsynt for Norske Skog å søkje om ny konsesjon
etter industrikonsesjonslova for erverv av 22,9 pst. av vassfallet.
Konsesjon vert gjeven av Kongen for nye 50 år med vilkår
ut frå dei reglar som gjeld i dag, mellom anna om nytt
heimfall til staten.
Olje- og energidepartementet har fått
ein ekstern og uavhengig konsulent til å fastsetje ein
marknadspris på 22,9 pst. av kraftverket slik at det i
ettertid ikkje oppstår tvil med omsyn til om det er gitt
konkurransevridande statsstøtte i strid med EØS-avtala.
Denne prisen var grunnlaget i forhandlingane med Norske Skog.
Salssummen vart inntektsført i statsrekneskapen
for 2000 under kap. 4826 Hjemfalte anlegg post 3 Salgsinntekter.
I samanheng med framlegg om sal av 22,9 pst.
av Hofsfoss kraftverk til Norske Skog skal Ringerike kommune få N av
salssummen. Dette utgjer 14 mill. kroner. Olje- og energidepartementet
rår difor til at 14 mill. kroner vert løyvd under
nytt kap. 1826 Hjemfalte anlegg post 60 Overføring til
kommunale næringsfond.
Komiteen har ingen
merknader, viser til proposisjonen og rår Stortinget til å gjere
slikt
vedtak:
I
I statsbudsjettet for 2001 blir det gjort følgjande
endring:
Kap. | Post | Formål: | Kroner |
| | | |
1826 (nytt) | | Hjemfalte anlegg | |
| 60 | Overføring til
kommunale næringsfond, bevilges med | 14 000 000 |
II
Stortinget samtykkjer i avtale mellom staten
ved Olje- og energidepartementet og Norske Skogindustrier ASA om
heimfall og tilbakesal av 22,9 pst. av Hofsfoss kraftverk.
Oslo, i energi- og miljøkomiteen, den 2. mai 2001
Tore Nordtun
leiar |
Bror Yngve Rahm
ordførar |
Aud Blattmann
sekretær |