Samferdselsdepartementet orienterer i proposisjonen om
status for kompetansesenteret for flygarutdanning.
Luftfartsverket har i dei siste åra
overført etter måten store ressursar til drifta
av Nordic Aviation Resources AS (NAR). Som følgje av merknad
frå fleirtalet i samferdselskomiteen under handsaminga
av St.prp. nr. 60 (2001-2002), jf. Innst. S. nr. 227 (2001-2002),
har Avinor AS no i 2003 valt å kjøpe ut kompetansesenteret
for 4,4 mill. kroner og å opprette eit eige aksjeselskap
til å vidareføre drifta.
Det nye selskapet - Nordian AS - skal produsere,
formidle og selje læremateriell for operativt personell innan
luftfarten. I samband med utskiljinga av kompetansesenteret har
NAR Holding AS no teke over alle aksjane i NAR.
Samferdselsdepartementet viser til at Avinor
og tidlegare Luftfartsverket har overført store ressursar
for å sikre drifta av kompetansesenteret. Dersom planen for
verksemda som Avinor legg fram for 2004, likevel ikkje gjer det
sannsynleg at etterspurnaden etter dei produkta Nordian sel, kan
finansiere drifta framover, ser ein det som nødvendig at
Avinor får høve til å vurdere overføring
av verksemda til ein utdanningsinstitusjon, eventuelt avvikle verksemda.
Komiteen har ingen
merknader.