Havforskingsinstituttet reknar med at instituttet
ved årsskiftet 2004/2005 vil ha kontraktsfesta,
fakturerte, men ikkje innbetalte oppdragsinntekter på inntil
30 mill. kroner. Havforskingsinstituttet følgjer kontantprinsippet
for alle utbetalingar, og tilhøyrande utgifter vil såleis
vere posterte i 2004.
Departementet føreslår derfor å auke
løyvinga på kap. 1020 post 21 Spesielle driftsutgifter
med 30 mill. kroner i 2004.
Forslag om tilsvarande auke av inntektssida
i 2005 på kap. 4020 post 3 Oppdragsinntekter er fremma
i St.prp. nr. 1 Tillegg nr. 6 (2004-2005) Om omdanning av Kystverkets
produksjonsvirksomhet til statlig aksjeselskap m.m.
Prosjektering og bygging av forskingsfartøyet
"G.O. Sars" i perioden 1999-2003 hadde ei samla utgiftsramme på 405
mill. kroner. Mindreforbruk på 2,116 mill. kroner i 1999
vart ikkje søkt overført til 2000. Den samla løyvinga
til prosjektet vart såleis redusert til 402,884 mill. kroner.
Forskingsfartøyet skulle i etter kontrakten
overleverast 1.februar 2003, men leveringa vart nesten tre månader
forseinka. På grunn av usemje mellom staten ved Havforskingsinstituttet
(HI) og Flekkefjord Slipp & Maskinfabrikk (FSM), der betaling
av dagbøter for forseinka levering var eitt av punkta det
var usemje om, vart det gjennomført ei voldgiftssak. Voldgiftsdom
vart avsagt den 24.april 2004, med det resultat at FSM tapte på alle
punkt og vart dømt til å betale om lag 7,1 mill.
kroner i dagbøter og påløpte renter.
Midlane er innbetalte til staten, og vil ut frå vanlege
prosedyrar bli posterte på kap. 5309 post 29 Ymse inntekter.
Forseinkingane ved leveringa påførte
Havforskingsinstituttet netto meirkostnader på om lag 2,3
mill. kroner. Det er rimeleg at instituttet får kompensasjon
for desse meirkostnadene, slik at forseinkinga ikkje går
ut over vedlikeholdsløyvinga til dei andre fartøya.
Departementet gjer derfor framlegg om å auke
løyvinga på post 1 Driftsutgifter med 2,3 mill.
kroner i 2004.
Løyvingane knytte til NIFES si oppdragsverksemd er
budsjetteknisk handsama gjennom å bruttoføre utgifter
og inntekter på kap. 1023 post 21 og kap. 4023 post 1.
For å sikre fleksibilitet med omsyn til bruk av forskarar
på oppdragsprosjekt, er det ofte nødvendig å bruke
forskarar som er lønna over kap. 1023 post 1 i dei eksterne
forskingsoppdraga.
På grunn av langt høgare oppdragsverksemd
i 2004 enn berekna og av di løyvingane knytte til oppdragsverksemda
ikkje har vore oppjusterte i takt med aktiviteten, er det no berekna å bli
meirutgifter og meirinntekter på 30 mill. kroner i 2004.
Ut frå omsynet til realistisk budsjettering
gjer departementet framlegg om at løyvingane på kap.
1023 post 21 og kap. 4023 post 1 vert å auke med 30 mill.
kroner, og at stikkordet "kan nyttast under" gjeld kap. 1023 post
1 og post 21 gjensidig.
Komiteen, medlemene frå Høgre, Ine Marie Eriksen, Jan Olav Olsen, Raymond Robertsen og Søren Fredrik Voie, frå Arbeidarpartiet, Vidar Bjørnstad, Eva M. Nielsen og Karita Bekkemellem Orheim, frå Framstegspartiet, Ursula Evje og Arne Sortevik, frå Sosialistisk Venstreparti, Lena Jensen og leiaren Rolf Reikvam, frå Kristeleg Folkeparti, Arne Lyngstad og Elsa Skarbøvik, frå Senterpartiet, Rune J. Skjælaaen, frå Venstre, Trine Skei Grande, og representanten Jan Simonsen, sluttar seg til proposisjonen.
Komiteen viser til proposisjonen og rår Stortinget til å gjere slikt
vedtak:
I
I statsbudsjettet for 2004 blir det gjort følgjande endringar:
Kap. |
Post |
Formål |
Kroner |
|
|
Utgifter: |
|
1020 |
|
Havforskingsinstituttet (jf. kap. 4020) |
|
|
21 |
Spesielle driftsutgifter, vert auka med |
30 000 000 |
|
|
frå kr 130 500 000 til kr 160 500 000 |
|
1021 |
|
Drift av forskingsfartøya (jf. kap. 4021) |
|
|
1 |
Driftsutgifter, vert auka med |
2 300 000 |
|
|
frå kr 97 027 000 til kr 99 327 000 |
|
1023 |
|
Fiskeri-, havbruks- og transportretta FoU (jf. kap. 4023) |
|
|
21 |
Spesielle driftsutgifter, vert auka med |
30 000 000 |
|
|
frå kr 8 800 000 til kr 38 800 000 |
|
4023 |
|
Fiskeri-, havbruks- og transportretta FoU (jf. kap. 1023) |
|
|
1 |
Inntekter NIFES, vert auka med |
30 000 000 |
|
|
frå kr 8 800 000 til kr 38 800 000 |
|
II
Stortinget samtykkjer i at stikkordet "kan nyttast under post 21" tilføyast kap. 1023 post 1 og "kan nyttast under post 1" tilføyast kap. 1023 post 21.
Oslo, i kyrkje, utdannings- og forskingskomiteen, den 6. desember 2004
Rolf Reikvam
leiar og ordførar |