Til Stortinget

Endringar av løyvingar i 2005 på Fiskeri- og kystdepartementet sitt område

Samandrag

Kap. 1062 Kystverket

Post 1 Driftsutgifter

I løyvinga på kap. 1062 post 1 er det for 2005 lagt til grunn ei avsetjing til husleigekostnader knytt til Kystdirektoratet sine gamle kontorlokale i Rådhusgaten i Oslo for første halvår 2005. I forhandlingar med ny eigar av lokala har det lukkast å kome til semje om å få avvikla leigekontrakten, men først frå og med november 2005. Det vert difor fremja forslag om ei auke i løyvinga på kap. 1062 post 1 på 1,7 mill. kroner.

Post 21 Spesielle driftsutgifter

Posten dekkjer utgifter til aksjonar mot akutt ureining. Den ordinære løvyinga på posten vil medgå i heilskap til mindre aksjonar osb. i 2005. I tillegg er det utløyst garantiar for om lag 2 mill. kroner. På bakgrunn av dette fremjast det forslag om at løvyinga på kap. 1062 post 21 aukar med 2 mill. kroner i 2005.

Kap. 4062 Kystverket

Post 1 Gebyrinntekter

Som følgje av lønskompensasjonen for 2005 er det behov for å auke løyvinga på kap. 4062 post 1 med 4,66 mill. kroner. Det vert difor fremja forslag om at løyvinga på kap. 4062 post 1 vert auka med 4,66 mill. kroner i 2005.

Tilråding frå komiteen

Komiteen, medlemene frå Arbeidarpartiet, Eirin Faldet, Svein Gjelseth, Irene Johansen, Torstein Rudihagen, Tor-Arne Strøm og Truls Wickholm, frå Fremskrittspartiet, Bård Hoksrud, lederen Per Sandberg og Arne Sortevik, frå Høgre, Øyvind Halleraker og Trond Helleland, frå Sosialistisk Venstreparti, Hallgeir H. Langeland, frå Kristeleg Folkeparti, Jan Sahl, frå Senterpartiet, Eli Sollied Øveraas, og frå Venstre, Borghild Tenden, har ingen merknader, viser til proposisjonen og rår Stortinget til å gjere slikt

vedtak:

I statsbudsjettet for 2005 blir det gjort følgjande endringar:

Oslo, i transport- og kommunikasjonskomiteen, den 1. desember 2005