I denne proposisjonen legg Regjeringa fram forslag
om visse endringar i løyvingar i forsvarsbudsjettet for 2008. Siktemålet
er å skape best mogeleg samsvar mellom løyvingane under dei einskilde
kapitla og postane, og endringar i budsjettføresetnadene som har
skjedd sidan forsvarsbudsjettet for 2008 vart utarbeidd.
Omgrupperingsproposisjonen tek mellom anna føre
seg styrking av prioritert verksemd på budsjetta til Forsvarets
logistikkorganisasjon, Kystvakta, norske styrkar i utlandet og fellesinstitusjonar
under Forsvarsstaben, for å dekkje høgare kostnader enn budsjettert.
Dette skuldast m.a. høgare drivstoffprisar, seinare frigjering av
gevinstar og høgare kostnadar knytt til logistikkverksemda. Styrkinga
er foreslått mot ei tilsvarande samla reduksjon på andre budsjettkapittel
m.a. omdisponering av 250 mill. kroner frå materiellinvesteringsbudsjettet.
Forsvarssjefen har tilrådd ei slik mellombels omdisponering frå
investering til drift for å unngå store operative konsekvensar for
aktiviteten i 2008. Regjeringa har derfor ut frå ei samla vurdering funne
det tilrådeleg å foreslå ei slik omdisponering, men ser den som
ekstraordinær grunna prosjektrelaterte forseinkingar. Regjeringa
planlegg å styrkje materiellinvesteringsområdet i åra 2010–2012.
Enkelte kapittel er foreslått redusert grunna
nødvendig aktivitetsjustering i løpet av året. Alle forslag til
omdisponeringar er tilrådd av forsvarssjefen. Vidare tek omgrupperingsproposisjonen
føre seg viktige tekniske endringar, til dømes overføring av budsjettansvar
mellom kapitla. I tillegg vert det foreslått ei formalisering av
lønnskompensasjonen for 2008 og formalisering av meirinntekter.
Totalt utgjer omgrupperinga ein auke i løyvinga til Forsvarsdepartementet
på 231 mill. kroner. I tillegg foreslår Regjeringa å auke einskilde
bestillingsfullmakter.
Forsvarsdepartementet har høve til å nytte ubrukte
midlar på kapittel 1760 Nyskaffing av materiell og nye bygg og anlegg,
post 44 Fellesfinansierte byggje- og anleggsarbeid, nasjonalfinansiert
del (23,1 mill. kroner) frå 2007 som er overført til 2008, til andre
føremål på forsvarsbudsjettet i 2008. Sidan disse midlane i 2008-budsjettet
berre er ei overføring og ikkje ei løyving, kan midlane ikkje omdisponerast.
Midlane skal nyttast til å dekkje inn meirbehov på kapittel 1792,
Norske styrkar i utlandet, post 1 driftsutgifter.
Grunnlaget for omgrupperinga er vedtatt budsjett
for 2008, dei seinare endringane gjort av Stortinget, og midlar
ført over frå 2007. Det er òg teke omsyn til forsvarssektoren sin
del av lønskompensasjonen for 2008 (524,675 mill. kroner).
Tabellar i kapittel 1.3.1 i proposisjonen gjev oversyn
over dei faktiske løyvingar på utgiftssida og disponibel løyving
på inntektssida, før omgruppering 2008, saman med løyvingsbehov på
utgifts- og inntektssida i samband med omgrupperingsproposisjonen.
I kapittelet er det òg tabellar som syner mindre- og meirutgifter
for dei ulike postane for utgifter og inntekter.
Den totale utgiftsramma er auka med 231,13 mill.
kroner. Driftsbudsjettet er totalt foreslått auka med 495,753 mill.
kroner, medan investeringsbudsjettet er foreslått redusert med 264,623 mill.
kroner.
Nedanfor er dei viktigaste endringane forklart
på post- og kapittelnivå.
Post 1 er foreslått auka med totalt 517,591
mill. kroner.
Forsvarssjefen har tilrådd ei aktivitetsjustering på
greinkapitla for å omdisponere til meir prioritert verksemd på budsjetta
til Forsvarets logistikkorganisasjon, Kystvakta, norske styrkar
i utlandet og fellesinstitusjonar under Forsvarsstaben. Ei slik
aktivitetsjustering er viktig for forsvarssjefens samla styring
av Forsvarets verksemd.
Post 1 er foreslått tilført 231,13 mill. kroner
i meirinntekter frå kap. 4710 Forsvarsbygg og kap. 4740 Forsvarets
logistikkorganisasjon. Posten er vidare foreslått tilført 250 mill.
kroner frå kap. 1760, post 45 Store nyskaffingar grunna omdisponering
til meir prioritert verksemd på forsvarsbudsjettet. Det er vidare
foreslått å omdisponere 13,838 mill. kroner frå kap. 1719, post 43
Til disposisjon for Forsvarsdepartementet, 14,623 mill. kroner frå
kap. 1710 Forsvarsbygg, post 47 Nybygg og nyanlegg, og 8 mill. kroner frå
kap. 1720, post 50 Overføringar Statens pensjonskasse.
Elles er det gjort omdisponeringar mellom kapittel/postar
basert på analysar og vurderingar, inkludert prognosar.
Post 1 er foreslått auka med 7,8 mill. kroner.
Auken gjeld omdisponeringar grunna overføring av
budsjettansvar for kommunikasjonseininga frå Forsvarsstaben til
Forsvarsdepartementet i 2008 (3,8 mill. kroner). Posten er vidare
tilført 4 mill. kroner knytt til naudsynte tilpassingar og ombyggingar
av leiingsbygget på Akershus festning.
Post 1 er foreslått auka med 4,81 mill. kroner.
Auken er i all hovudsak knytt til meirbehov grunna
lønstilskot for avhendingsfunksjonen i Forsvarsbygg. Meirbehovet
skuldast auka behov for kompetanse knytta til miljøoppryddings-, rive
og sikringsoppgåvar.
Post 1 er foreslått redusert med 52,863 mill.
kroner.
Reduksjonen gjeld omdisponeringar grunna overføring
av budsjettansvaret for kommunikasjonseininga frå Forsvarsstaben
til Forsvarsdepartementet i 2008 (3,8 mill. kroner), samt omdisponering
til kap. 1725 for finansiering av utgifter i samband med fysisk
flytting av Institutt for forsvarsstudier (3,1 mill. kroner). Annan reduksjon
gjeld omdisponering til meir prioritert verksemd på forsvarsbudsjettet.
Post 1 er foreslått auka med 0,9 mill. kroner.
Auken er knytt til overtaking av eigedom, bygg og
anlegg frå Forsvarets logistikkorganisasjon.
Post 1 er foreslått auka med 94,557 mill. kroner.
Auken er mellom anna knytt til kostnader i samband
med innføring av nytt økonomisystem i LOS-programmet (FIF 2.0) i
Forsvaret (40 mill. kroner) og finansiering av kryptonøkkelsystemet EKNAS
NOR (10 mill. kroner). Post 1 er òg foreslått tilført midlar som
følgje av overføring av utgifter for felles opptak og seleksjon
for befalsskuleelevar for heile Forsvaret (8,4 mill. kroner), samt
i samband med utgifter i samband med fysisk flytting av Institutt
for forsvarsstudier (3,1 mill. kroner). Post 1 vert vidare foreslått tilført
24,7 mill. kroner i samband med ei teknisk korrigering av tidlegare
fordelt gevinstrealisering, samt 1,3 mill. kroner for å finansiere
vidareføring av beredskap for norsk rolle 2 feltsjukehus.
I tillegg er det foreslått tekniske justeringar
som samla gjev ein auke på 7 mill. kroner.
Post 1 er foreslått redusert med 42,408 mill.
kroner.
Reduksjonen gjeld i all hovudsak omdisponering av
identifisert mindrebehov på posten grunna aktivitetsjustering (24,9
mill. kroner). Midlane vert omdisponerte til meir prioritert verksemd
på forsvarsbudsjettet. Post 1 vert vidare foreslått redusert med
16,4 mill. kroner i samband med ei teknisk korrigering av tidlegare
fordelt gevinstrealisering. I tillegg er det foreslått tekniske justeringar
som samla gjev ein reduksjon på 1,1 mill. kroner.
Post 1 er foreslått redusert med netto 23,731 mill.
kroner.
Reduksjonen gjeld i all hovudsak omdisponeringar
av identifisert mindrebehov på posten grunna aktivitetsjustering
(40,8 mill. kroner). Midlane vert omdisponerte til meir prioritert verksemd
på forsvarsbudsjettet. I tillegg er det foreslått tekniske justeringar
som samla gjev ein reduksjon på 1,3 mill. kroner.
Kapitlet vert vidare foreslått auka med 9,3
mill. kroner i samband med ei teknisk korrigering av tidlegare fordelt
gevinstrealisering. Vidare er kapitlet foreslått auka ved omdisponeringar
som følgje av at Sjøforsvaret utfører grunnleggjande rekrutt- og
befalsskuleutdanning på vegne av Luftforsvaret (9,1 mill. kroner).
Post 1 er foreslått redusert med netto 2,679
mill. kroner.
Reduksjonen gjeld omdisponeringar til kap. 1732
som følgje av at Sjøforsvaret utfører grunnleggjande rekrutt- og
befalsskuleutdanning på vegne av Luftforsvaret (9,1 mill. kroner).
I tillegg er det foreslått tekniske justeringar som samla gjev ein
reduksjon på 2,6 mill. kroner.
Post 1 er òg foreslått tilført 7,7 mill. kroner
i samband med ei teknisk korrigering av tidlegare fordelt gevinstrealisering.
Post 1 er vidare foreslått auka for å dekkje utgiftene til øvinga Northern
Viking 2008 (1,35 mill. kroner).
Post 1 er foreslått redusert med netto 3,950
mill. kroner.
Reduksjonen gjeld i all hovudsak omdisponeringar
av identifisert mindrebehov på posten grunna aktivitetsjustering
(9,6 mill. kroner). Midlane vert omdisponerte til meir prioritert
verksemd på forsvarsbudsjettet.
Post 1 er òg foreslått tilført 5,7 mill. kroner
i samband med ei teknisk korrigering av tidlegare fordelt gevinstrealisering.
Post 1 er foreslått auka med netto 336,816 mill. kroner.
Post 1 er foreslått tilført 203,13 mill. kroner grunna
meirinntekter. Dette er ei endring av teknisk karakter og skuldast
i all hovudsak sal av drivstoff, materiell og tenester til allierte
og samarbeidande nasjonar på øving i Noreg (sjå forklaring under
post 1 Driftsinntekter). Meirinntekta har ei tilsvarande ikkje-budsjettert utgiftsside
i 2008.
Annan auke gjeld i all hovudsak omdisponeringar
frå andre delar av forsvarsbudsjettet for å dekkje meirbehov knytt
til den løyvingsfinansierte delen av kapitlet. Dette gjeld m.a.
auka energikostnadar og auka kostnadar i samband med å betre datakvalitet
på materiellrekneskapen, samt manglande effektivisering innanfor
regionale støttefunksjonar og forsinka utrangering av eigedom, bygg
og anlegg (174,7 mill. kroner).
Post 1 er òg foreslått redusert med 41 mill.
kroner m.a. i samband med ei teknisk korrigering av tidlegare fordelt
gevinstrealisering.
Post 1 er foreslått redusert med 10,74 mill.
kroner.
Reduksjonen er i all hovudsak relatert til omdisponering
av midlar til meir prioritert verksemd på forsvarsbudsjettet.
Post 1 er foreslått auka med 54,779 mill.
Auken gjeld i all hovudsak omdisponering grunna
auka kostnader for innleige av fartøy for å oppretthalde slepebåtberedskap
og auka drivstoffprisar i 2008.
Post 1 er foreslått auka med 6 mill. kroner.
Auken gjeld Forsvarets del av kostnader relatert til
auke i talet på flytimar for redningshelikoptertenesta i samanheng
med auka tilstedevakt fleire stader.
Post 1 er foreslått auka med 148,550 mill. kroner til
å dekkje auka utgifter i tilknyting til Noregs bidrag i Afghanistan.
Auken vert foreslått dekt inn ved omdisponering frå ei rekkje andre
kapittel på forsvarsbudsjettet.
Meirbehovet er knytt til endringar i det norske styrkebidraget
til International Security Assistance Force (ISAF) i Afghanistan.
Det vart lagt til grunn at kostnadane kunne reduserast ved i større
grad å samle det norske styrkebidraget, men dårlige vegar og restriksjonar
for bruk av flyplassen i Meymaneh har gjort det nødvendig å oppretthalde
eit norsk nærvær også i Mazar-e-Sharif. Dette har såleis gitt høgare
kostnadar enn først lagt til grunn.
Post 1 er foreslått redusert med 0,25 mill.
kroner.
Reduksjonen er knytt til ei budsjetteknisk justering
vedrørande gjennomføring av Norsk Militær Tattoo.
Løyvinga representerer ein reserve for Forsvarsdepartementet.
I 2008 er løyvinga nytta til å dekkje ymse meirbehov, mellom anna
økonomisk støtte til gjennomføring av øvinga Northern Viking 2008,
vidareføring av beredskap for rolle 2 feltsjukehus og utearena på
Akershus festning, samt ei rekkje andre mindre kulturaktivitetar. Posten
er foreslått redusert med 13,838 mill. kroner for å dekkje ymse
meirbehov på andre kapittel og postar.
Post 45 er foreslått redusert med 250 mill.
kroner.
Reduksjonen er relatert til omdisponering av midlar
til meir prioritert verksemd på forsvarsbudsjettet. Særskilt gjeld
dette Forsvarets logistikkorganisasjon, Kystvakta og norske styrkar
i utlandet, der det i løpet av gjennomføringsåret 2008 er identifisert
meirbehov for å oppretthalde prioritert aktivitet.
Det vert foreslått å opprette ei eigen post
46 Ekstraordinært vedlikehald for å synleggjere kostnadar til ekstraordinært
vedlikehald på dei nasjonale festningsverka. Posten vert foreslått tilført
66 mill. kroner i 2008 for å starte arbeidet med å setje i stand
murar og byggverk som utgjer ein potensiell fare for tryggleiken
til dei som nyttar seg av/besøker festningane.
Post 47 vert foreslått redusert med 80,623 mill. kroner.
Reduksjonen gjeld i all hovudsak inndekkjing
av utgifter til ekstraordinært vedlikehald ved dei nasjonale festningsverka,
jf. post 46 ovanfor. Posten vert vidare foreslått redusert med 14,6 mill.
kroner for å dekkje ymse meirbehov på andre kapittel og postar.
Post 50 vert foreslått redusert med 8 mill.
kroner grunna eit mindrebehov på posten i 2008.
Det er registrert netto meirinntekter på 231,13 mill.
kroner.
Kapittel 4740 Forsvarets logistikkorganisasjon, post
1 Driftsinntekter, er foreslått auka med 203,130 mill. kroner. Auken
gjeld meirinntekter av teknisk karakter, og skuldast sal av drivstoff, utleige
av eigedom, bygg og anlegg, sal av proviant og forpleiing til allierte
styrkar på øving i Noreg. Meirinntekta har i hovudsak ei tilsvarande
ikkje-budsjettert utgift i 2008.
Kapittel 4710, post 47 vert foreslått auka med
28 mill. kroner. Auken skuldast i hovudsak forsert sal av bustadar
som ikkje vert føresett på budsjetteringstidspunktet.
Regjeringa foreslår ei intern omfordeling av
bestillingsfullmakter mellom kapitla.
Bestillingsfullmakta på post 45 vert foreslått
redusert med 100 mill. kroner til totalt 23 900 mill. kroner grunna
mindrebehov på posten.
Bestillingsfullmakta på post 44 vert foreslått auka
med 50 mill. kroner til totalt 150 mill. kroner. Auken skuldast
eit meirbehov grunna forsert framdrift av arbeidet med nytt bygg
til Joint Warfare Centre.
Bestillingsfullmakta på post 48 vert foreslått auka
med 100 mill. kroner til totalt 250 mill. kroner. Auken skuldast
eit meirbehov grunna forsert framdrift av arbeidet med nytt bygg
til Joint Warfare Centre.
Bestillingsfullmaka på post 75 vert foreslått
redusert med 50 mill. kroner til totalt 100 mill. kroner grunna
mindrebehov på posten.