I proposisjonen blir det foreslått endringar i løyvingane under Utanriksdepartementet sitt budsjett for 2008.

Innanfor programområde 02 Utanriksforvaltning blir det gjort framlegg om endringar på til samen 8,2 mill. kroner under kap. 100 Utanriksdepartementet, kap. 103 Regjeringas fellesløyving for representasjon og kap. 104 Kongefamilien sine offisielle reiser til utlandet. Under kap. 116 Deltaking i internasjonale organisasjonar blir det gjort framlegg om ein auke på 8 mill. kroner til tilskot til internasjonale organisasjonar. Det blir vidare gjort framlegg om ein reduksjon på 151 mill. kroner til EØS-finansieringsordninga og Den norske finansieringsordninga, som begge kan overførast, på grunn av forseinkingar i prosjektgjennomføring og innsending av betalingskrav.

På budsjettet for ODA-godkjend utviklingshjelp under programområde 03 blir det gjort framlegg om omfordeling av 29,2 mill. kroner. Det blir òg gjort framlegg om ein reduksjon av bistandsramma med 21,5 mill. kroner som følgje av at overslaget over utgifter til flyktningar i Noreg som er godkjend som offisiell utviklingshjelp, blir redusert.