På grunn av dei endra inntektsoverslaga på kap. 4350,
som er knytt til drift og vedlikehald, foreslår departementet å
auka løyvinga på post 23 Drift og vedlikehald, med i alt 50,9 mill.
kroner, jf. kap 4350.
Det blir betalt køyrevegsavgift for malmtransporten
på Ofotbanen. Som følgje av finanskrisa og dårlegare konjunkturar
har det blitt mindre malmtransport enn lagt til grunn ved fastsetjinga av
løyvinga for 2009. Departementet foreslår derfor å redusera løyvinga
på kap. 4320, post 1 Køyrevegsavgift, med 13 mill. kroner.
Sal av varer og tenester frå Jernbaneverket
har vore større enn det som var lagt til grunn ved fastsetjinga
av løyvinga for 2009. Departementet foreslår å auke løyvinga på
kap. 4350, post 2 Sal av utstyr og tenester, med 121,9 mill. kroner.
Jernbaneverket sel vidare elektrisitet. Departementet
foreslår å redusere løyvinga på kap. 4350, post 6 Vidaresal av elektrisitet
til togdrift, med 58 mill. kroner.
Komiteen har ingen
merknader og støtter Regjeringens forslag.