Arbeids- og inkluderingsdepartementet legg i proposisjonen
fram forslag om endringar av løyvingane under enkelte kapittel under
programområde 9 Arbeid og sosiale formål, programområde 29 Sosiale
formål, folketrygda, programområde 33 Arbeidsliv, folketrygda, samt
inntektene under folketrygda for 2009.
Det fremjas forslag om å redusere løyvingane under
utgiftskapitla under programområde 9 Arbeid og sosiale formål med
227,4 mill. kroner, å auke løyvingane under programområde 29 Sosiale
formål, folketrygda med 3 550 mill. kroner og å redusere løyvingane
under programområde 33 Arbeidsliv med 450 mill. kroner. Samla gjeras
det framlegg om at løyvingane under utgiftskapitla blir auka med
i overkant av 2 872,5 mill. kroner.
Departementet gjer framlegg om å auke løyvinga
for inntekter under inntektskapitla med om lag 173,3 mill. kroner.
Følgjande områder i proposisjonen blir ikkje handsama
av arbeids- og sosialkomiteen, men av kommunal- og regionalkomiteen:
kap. 651, 653, 690, 3651, 3653 og 3690, og er difor ikkje omtalt i
denne innstillinga.