Den 30. mars 2011 blei ein overeinskomst mellom
Noreg og Seychellene om opplysningar i skattesaker underskriven
i Paris. Samtykke til underskriving blei gitt ved kongeleg resolusjon av
11. mars 2011. Overeinskomsten ble på vegne av Noreg underskriven
av ambassadør Tarald O. Brautaset og på vegne av Republikken Seychellene
av ambassadør Claude Morel. Overeinskomsten vil tre i kraft 30 dagar
etter at begge partane har gitt kvarandre melding om at nødvendige
skritt er tekne for at avtala kan tre i kraft. Avtala får verknad
for straffbare skattesaker frå denne dato og for andre saker frå
og med det skatteår som byrjar på eller etter 1. januar i det kalenderåret
som følgjer etter det året da avtala trer i kraft.
Organisasjonen for økonomisk samarbeid og utvikling,
OECD, vedtok den 9. april 1998 ei tilråding om tiltak mot skadeleg skattekonkurranse.
Tiltaket tok i hovudsak sikte på å avvikle skadelege skatteregime
i medlemslanda, men peikte også på behovet for å treffe sameinte
mottiltak mot tilsvarande skatteregime i dei såkalla skatteparadisa.
Innan utløpet av 2005 var samtlege skatteregime i
medlemslanda som var definerte som skadelege etter dei vedtekne
kriteria, endra eller under avvikling som føresett. I mellomtida
blei det teke kontakt med samtlege jurisdiksjonar som ein meinte
var omfatta av kriteria for å utgjere eit skatteparadis. Det blei
her gjort greie for prosjektet til OECD og invitert til dialog.
Dersom eit definert skatteparadis var villig til å opne for innsyn
og effektiv informasjonsutveksling med medlemslanda til OECD, ville
det ikkje bli ført opp på lista over ikkje-samarbeidsvillige skatteparadis
som ville bli utsette for mottiltak.
Alle dei 38 jurisdiksjonane som blei definerte som
skatteparadis har no gitt ei slik politisk bindande erklæring om
innsyn og informasjonsutveksling til generalsekretæren i OECD. I samarbeid
med dei første 11 av dei jurisdiksjonane som gav slik erklæring,
har OECD utarbeidd ei modellavtale for effektiv informasjonsutveksling
i skattesaker. Ho forpliktar avtalepartane til å utveksle alle relevante opplysningar
som vurderast naudsynte om eigarskap og transaksjonar, også frå
banker, finansinstitusjonar og advokatar og andre rådgjevarar.
For å etablere det juridiske grunnlaget for
effektiv informasjonsutveksling, må ein inngå bilaterale overeinskomstar
bygd på denne modellen med kvar einskild jurisdiksjon. Dei politiske
erklæringane er i seg sjølv ikkje nok.
For å framskynde prosessen og for å gi dei nordiske
landa større tyngd i forhandlingane vedtok Nordisk Ministerråd i
juni 2006 å etablere eit felles nordisk prosjekt for den tekniske
gjennomføringa av forhandlingar om slike avtaler. Det er no gjennomført
slike felles forhandlingar med ei rekkje jurisdiksjonar. I alle
tilfelle skal forhandlingane resultere i utkast til bilaterale avtaler
mellom vedkommande jurisdiksjon og kvart av dei sju nordiske landa,
medrekna Færøyane og Grønland. Ei rekke avtaler er no underskrivne.
Frå norsk side har arbeidet vore leia av avdelingsdirektør Per Olav
Gjesti, Finansdepartementet. Han har også leia styringsgruppa for
prosjektet.
Avtala, som i det alt vesentlege følgjer OECD sin
modell, er inngått på engelsk. Som vedlegg til proposisjonen følgjer
den engelske teksten og ei norsk omsetjing.
Til dei enkelte materielle føresegnene i avtala blir
artikkel 1-13 i kapittel 2 i proposisjonen nemt.
Komiteen, medlemmene fra Arbeiderpartiet,
Thomas Breen, Gunvor Eldegard, Irene Johansen, Gerd Janne Kristoffersen,
lederen Torgeir Micaelsen, Torfinn Opheim og Dag Ole Teigen, fra
Fremskrittspartiet, Ulf Leirstein, Jørund Rytman, Kenneth Svendsen
og Christian Tybring-Gjedde, fra Høyre, Gunnar Gundersen, Arve Kambe
og Jan Tore Sanner, fra Sosialistisk Venstreparti, Inga Marte Thorkildsen,
fra Senterpartiet, Per Olaf Lundteigen, fra Kristelig Folkeparti, Hans
Olav Syversen, og fra Venstre, Abid Q. Raja, slutter seg
til regjeringens forslag om å sette i kraft en overenskomst mellom
Norge og Seychellene om opplysninger i skattesaker.
Komiteen har for øvrig
ingen merknader, viser til proposisjonen og rår Stortinget til å
gjøre slikt
vedtak:
Stortinget samtykker til å sette i kraft
en overenskomst mellom Norge og Seychellene om opplysninger i skattesaker
underskrevet i Paris 30. mars 2011.
Oslo, i finanskomiteen, den 26. mai 2011
Torgeir Micaelsen |
Christian Tybring-Gjedde |
leder |
ordfører |