Justis- og beredskapsdepartementet legger i
proposisjonen fram forslag om endringar i løyvingane under diverse
kapittel i statsbudsjettet 2013.
På bakgrunn av den stadig meir dramatiske situasjonen
i Syria, og dei særs vanskelege forholda for flyktningar frå Syria
og for nabolanda, vert det foreslått ein tilleggskvote på 500 plassar
for flyktningar frå Syria som er anerkjente som flyktningar av UNHCR,
jf. Prop. 1 S Tillegg 1 (2013–2014). Det går fram at det også vil
vere rom for å prioritere fleire flyktningar frå Syria innafor den
totale mengda overføringsflyktningar i 2014.
Det går fram av proposisjonen at det er ønskeleg at
uttaket kan skje så raskt som mogleg, og at arbeidet derfor vert
sett i gang i 2013. UNHCR vil ha problem med å fremje saker tidleg
nok til at heile prosessen vert gjort ferdig i 2013.
UDI vil bli påført betydeleg administrativt
meirarbeid som følge av tilleggsuttaket. Det vert derfor i proposisjonen
foreslått å auke løyvinga under kap. 490 post 1 med 3,9 mill. kroner
i 2013 slik at UDI kan setje i gang arbeidet med tilleggsuttaket.
Som følge av lågare driftskostnader ved ordinære mottaksplassar
og høgare utnytting av kapasiteten enn det som er lagt til grunn
for 2013, er det forventa eit mindreforbruk under kap. 490 post
21. Mindreutgiftene som følger av dette, vert i proposisjonen anslått
til 108 mill. kroner.
Gjeldande løyving er basert på eit gjennomsnittleg
belegg i mottak på 15 900, blant desse 330 einslege mindreårige,
jf. Prop. 149 S (2012–2013). Nyare prognoser viser at gjennomsnittleg
belegg i mottak er venta å verte 16 270, blant desse 310 einslege
mindreårige. Meirutgiftene som følger av dette knytt til drift av
asylmottak, vert anslått til 29,1 mill. kroner.
Samla vert det i proposisjonen foreslått å redusere
løyvinga under kap. 490 post 21 med 78,9 mill. kroner.
UDI har ikkje kapasitet til å handsame alle
innkomne asylsaker i 2013. Det har også vore noko lågare gjennomsnittlege
utgifter per intervju enn forventa. Som følge av dette vert det
i proposisjonen foreslått å redusere løyvinga under kap. 490 post
22 med 4 mill. kroner.
Løyvinga dekker kommunane sine gjennomsnittlege
utgifter til helse, barnevern, tolk og administrasjon i samband
med drift av mottak.
Det er forventa eit meirforbruk under posten
som følge av fleire bebuarar i mottak. Det vert i proposisjonen
foreslått å auke løyvinga under kap. 490 post 60 med 0,6 mill. kroner.
Satsane for økonomiske ytingar er differensierte på
bakgrunn av søknadsstatus, familiestatus o.a.
Som omtalt under kap. 490 post 21 vert det gjennomsnittlege
talet på bebuarar i mottak i 2013 høgare enn det som tidlegare har
vore lagt til grunn. Det gir eit venta meirforbruk på om lag 11,8
mill. kroner. På den andre sida er det lågare gjennomsnittlege kostnader
per bebuar enn lagt til grunn, hovudsakleg som følge av endra samansetning
av bebuarar i mottak. Dette gir eit venta mindreforbruk på 2,4 mill.
kroner. Samla vert det i proposisjonen foreslått å auke løyvinga
under kap. 490 post 70 med 9,4 mill. kroner.
Løyvinga dekker både individuell økonomisk støtte
ved tilbakevending, og tilskot til prosjekt som støttar opp under
retur og tilbakevending.
Det har så langt i 2013 vorte brukt mindre midlar under
post 72 enn venta. Dette skuldast blant anna at færre har nytta
seg av tilbodet om assistert frivillig retur enn tidlegare lagt
til grunn.
Det vert i proposisjonen foreslått å redusere
løyvinga under kap. 490 post 72 med 16,1 mill. kroner, mot å auke
løyvinga under kap. 440 post 1 med 3,1 mill. kroner og kap. 440
post 21 med 13 mill. kroner for å auke talet på uttransporteringar,
jf. omtale under kap. 440 post 1 og 21.
Løyvinga dekker støttetiltak i samband med UNHCR
og eventuelt andre organisasjonar sitt arbeid med gjenbusetting
av flyktningar.
Høgkommissæren for flyktningar (UNHCR) sitt arbeid
knytt til uttak av overføringsflyktningane er blant anna knytt til
identifisering av saker, registrering, intervju, asylvurdering,
førebu søknader om gjenbusetting etc. Uttak av 500 ekstra overføringsflyktningar
vil medføre betydeleg meirarbeid for UNHCR.
Det vert i proposisjonen foreslått å auke løyvinga under
kap. 490 post 73 med 3,6 mill. kroner for å understøtte UNHCR sitt
arbeid med uttaket i dei aktuelle landa.
På bakgrunn av forslag om reduksjon i løyvinga under
kap. 490 post 72, vert det i proposisjonen foreslått å redusere
løyvinga under kap. 3490 post 1 med 16,1 mill. kroner.
På bakgrunn av at talet på asylsøkjarar som
har budd meir enn eitt år i mottak har auka, og endringar i løyvinga
under kap. 490 post 21, post 60 og post 70, vert det i proposisjonen
foreslått å redusere løyvinga under kap. 3490 post 4 med 138,8 mill.
kroner.
Jf. omtale under kap. 490 post 73 vert det i
proposisjonen foreslått ein auke av inntektene under kap. 3490 post
6 med 3,6 mill. kroner.
På grunn av lågare utgifter til nemndhandsamingar
enn tidlegare lagt til grunn, er det venta eit mindreforbruk på
2 mill. kroner under kap. 491 post 21. På denne bakgrunn vert det
i proposisjonen foreslått å redusere løyvinga under kap. 491 post
21 med 2 mill. kroner.
Komiteen, medlemene frå Arbeidarpartiet,
Jan Bøhler, Stine Renate Håheim, Stein Erik Lauvås, Helga Pedersen,
og Eirik Sivertsen, frå Høgre, Frank J. Jenssen, Mudassar Kapur, Bjørn
Lødemel og Ingjerd Schou, frå Framstegspartiet, Mazyar Keshvari
og leiaren Helge André Njåstad, frå Kristeleg Folkeparti, Geir S.
Toskedal, frå Senterpartiet, Heidi Greni, frå Venstre, André N.
Skjelstad, og frå Sosialistisk Venstreparti, Karin Andersen,
handsamar i innstillinga dei budsjettkapitla som høyrer inn under
rammeområde 6 Innvandring, regional utvikling og bustad, og har
elles ingen merknader.
Komiteen har elles
ingen merknader, viser til proposisjonen og rår Stortinget til å
gjere følgjande
vedtak:
I statsbudsjettet for 2013 blir det gjort
følgjande endringar:
Kap. | Post | Formål | Kroner |
| | | |
| | Utgifter | |
490 | | Utlendingsdirektoratet | |
| 1 | Driftsutgifter, vert
auka med | 3 900 000 |
| | frå kr 809 382 000 til kr 813 282 000 | |
| 21 | Særskilde driftsutgifter, statlege mottak, vert redusert med | 78 912 000 |
| | frå kr 1 748 627 000 til kr 1 669 715 000 | |
| 22 | Særskilde driftsutgifter, tolk og omsetting, vert redusert med | 4 000 000 |
| | frå kr 56 015 000 til kr 52 015 000 | |
| 60 | Tilskot til vertskommunar for statlege
mottak for asylsøkjarar og
flyktningar, vert auka med | 571 000 |
| | frå kr 258 623 000 til kr 259 194 000 | |
| 70 | Økonomiske ytingar til bebuarar i asylmottak, vert auka med | 9 440 000 |
| | frå kr 508 800 000 til kr 518 240 000 | |
| 72 | Retur av asylsøkjarar med avslag og
tilbakevending for flyktningar,
kan overførast, vert redusert med
| 16 100 000 |
| | frå kr 134 661 000 til kr 118 561 000 | |
| 73 | Vern av flyktningar utanfor Noreg mv.,
støttetiltak, kan nyttast under
kap. 821 post 60, vert auka med | 3 600 000 |
| | frå kr 6 741 000 til kr 10 341 000 | |
491 | | Utlendingsnemnda | |
| 21 | Særskilde driftsutgifter, nemndbehandling, vert redusert med | 2 000 000 |
| | frå kr 13 926 000 til kr 11 926 000 | |
| | | |
| | Inntekter | |
3490 | | Utlendingsdirektoratet | |
| 1 | Retur av asylsøkjarar med avslag og
tilbakevending for flyktningar,
ODA-godkjende utgifter, vert redusert med
| 16 100 000 |
| | frå kr 122 136 000 til kr 106 036 000 | |
| 4 | Statlege mottak, ODA-godkjende utgifter, vert auka med | 138 820 000 |
| | frå kr 913 515 000 til kr 1 052 335 000 | |
| 6 | Gjenbusetting av flyktningar – støttetiltak,
ODA-godkjende utgifter,
vert auka med | 3 600 000 |
| | frå kr 6 741 000 til kr 10 341 000 | |
Oslo, i kommunal- og forvaltningskomiteen, den 10. desember 2013
Helge André Njåstad
|
leiar og ordførar
|