Etne kommune har motteke brev frå Politimeisteren om avgjerda for lokalisering av driftseiningsleiing for GDE til Sauda. Etne kommune deler ikkje vurderingane til Politimeisteren, men har ikkje noko meir å leggja til. Me viser til brev frå Etne kommune til Politimeisteren 19.05.2017.

Det er viktig for oss å få klart kva tenester me får i Etne og ved Etne/Vindafjord lensmannskontor i Ølen når Nærpolitireforma trer i kraft. Ordførar ber Politimeisteren om eit dokument som konkret fortel kva innbyggjarane skal få av tenester etter endringane. Dette skal leggjast fram for kommunestyret slik at alle er orienterte om konkret tilbod. Innbyggjarane skal vite kva dei får og kva eit «nærpoliti» vil bety i praksis for deira lokalsamfunn.

Fleirtalet i Stortinget viser til kriterie for ny tenestadsstruktur, jamfør Prop. 61 (2014–2015) punkt 5.3, og meiner at det i tillegg skal leggjast til følgjande kriterie for gjennomføring av endringar i tenestestadsstrukturen:

• Hva innbyggerne skal få av tjenester etter endringene, og hvordan, skal legges frem skriftlig for kommunestyrene, dersom kommunen ønsker det.Politimesteren skal utarbeide dokumentet.

• Dokumentet skal være realistisk og tydelig, med vekt på hvordan det forebyggende arbeidet skal ivaretas, hvilken beredskap innbyggerne kan forvente og hvordan politiet vil sikre tett kontakt med bl.a. lokale, frivillige beredskapsorganisasjoner.

• Dokumentet må være utformet presist nok til at det er mulig å evaluere sluttresultatet.

• Alle berørte kommuner skal gis mulighet til å komme med en uttalelse om dokumentet. Uttalelsen skal tillegges vekt ved en eventuell klage.

Flertallet understreker at kriteriene er minimumskriterier. Det er rom for lokale tilpasninger utover dette. Prosessen skal gi politiet og innbyggerne forutsigbarhet og sikre et best mulig sluttresultat.

For å ha best mogeleg dialog ynskjer Etne kommune vidare at både lensmannen i Etne/Vindafjord og driftseiningsleiar set i vårt Politiråd.

Politimesteren har bedt oss om ei forventingsavklaring på Politikontakt. Etne kommune ynskjer å bidra i ein god prosess når me har fått konkret tilbakemelding på det ovannemde.