Meld feil

Innstilling frå næringskomiteen om Endringar i statsbudsjettet 2017 under Landbruks- og matdepartementet m.m.

Dette dokument

Innst. 63 S (2017–2018)
Kildedok: Prop. 25 S (2017–2018)
Utgiver: Næringskomiteen
Sidetall: 4

Tilhører sak

Endringar i statsbudsjettet 2017 under Landbruks- og matdepartementet m.m.

Gå til saker

Alt om

Gå til alle temaer

Til Stortinget

1. Samandrag

1.1 Innleiing

Landbruks- og matdepartementet legg i denne proposisjonen fram forslag om endringar i løyvingar mv. under enkelte kapittel og postar i statsbudsjettet for 2017.

1.2 Endringsforslag

Kap. 4100 Landbruks- og matdepartementet

Post 1 Refusjonar m.m.

Inntektene har vore lågare enn budsjettert, og departementet foreslår difor å redusere løyvinga med 90 000 kroner.

Kap. 1115 Mattilsynet

Post 1 Driftsutgifter

Mattilsynet prioriterer arbeidet mot sjukdommen Chronic Wasting Disease (CWD) høgt. Det blir arbeidd for å fjerne smittestoffet som i dag er funne i Noreg, som det einaste landet i Europa. Difor foreslår departementet ein auke i løyvinga over kap. 1115 post 1 på 8,5 mill. kroner.

Post 71 Tilskott til erstatningar

Mattilsynet har hatt høgare utgifter enn budsjettert til tilskott til erstatningar etter dyrevelferdslova § 4. Departementet foreslår difor å auke løyvinga over kap. 1115 post 71 med 2,0 mill. kroner.

Kap. 4115 Mattilsynet

Post 1 Gebyr m.m.

Ifølgje oppdaterte prognosar vil gebyrinntektene til Mattilsynet for 2017 bli på om lag 183,3 mill. kroner. Dette er 10 mill. kroner lågare enn budsjettert. Mindreinntekta skuldast i hovudsak lågare inntekt frå det nye gebyret på tilsyn med fiskehelse og -velferd på grunn av seinare fastsetting av forskrift enn det som var lagt til grunn. Departementet foreslår difor å redusere løyvinga over kap. 4115 post 1 med 10,0 mill. kroner.

Kap. 1142 Landbruksdirektoratet

Post 71 Omstillingstiltak i Indre Finnmark

Departementet foreslår å auke løyvinga med 500 000 kroner, mot tilsvarande reduksjon på kap. 1142 post 80.

Post 72 Erstatningar ved ekspropriasjon og leige av rett til reinbeite

Løyvinga er ei overslagsløyving. Departementet foreslår å auke løyvinga med 165 000 kroner.

Post 80 Radioaktivitetstiltak

Departementet foreslår å redusere løyvinga over kap. 1142 post 80 med 500 000 kroner, mot ein tilsvarande auke under kap. 1142 post 71.

Kap. 1148 Naturskade – erstatningar

Post 71 Naturskade, erstatningar

På bakgrunn av oppdaterte prognosar for utbetalingar i 2017 og for tilsegn som ikkje er innfridde per 31. desember 2017, foreslår departementet å redusere løyvinga på posten med 44 mill. kroner og å auke tilsegnsfullmakta med 38,5 mill. kroner, til 79 mill. kroner.

Kap. 1149 Verdiskapings- og utviklingstiltak i skogbruket

Post 71 Tilskott til verdiskapingstiltak i skogbruket

På bakgrunn av oppdaterte prognosar for utbetalingar i 2017 og tilsegn som ikkje er innfridde per 31. desember 2017, foreslår departementet å redusere løyvinga på posten med 26,1 mill. kroner og å auke tilsegnsfullmakta med 26,1 mill. kroner, til 101,1 mill. kroner.

Kap. 1150 Til gjennomføring av jordbruksavtalen m.m.

Post 73 Pristilskott

Departementet foreslår å auke løyvinga på posten med 127,3 mill. kroner. Det gir ei samla løyving over posten på 3 430,9 mill. kroner.

Kap. 1151 Til gjennomføring av reindriftsavtalen

Post 51 Tilskott til Utviklings- og investeringsfondet

I tråd med omtale under kap. 1151 post 75 og post 79 foreslår departementet å redusere løyvinga over kap. 1151 post 51 med 3,0 mill. kroner.

Post 75 Kostnadssenkande og direkte tilskott

Departementet foreslår å auke løyvinga over kap. 1151 post 75 med 2,8 mill. kroner, mot tilsvarande reduksjon på kap. 1151 post 51.

Post 79 Velferdsordningar

Departementet foreslår å auke løyvinga over kap. 1151 post 79 med 200 000 kroner, mot tilsvarande reduksjon på kap. 1151 post 51.

Kap. 4162 Statskog SF – forvaltning av statleg eigarskap

Post 90 Avdrag på lån

På posten blir det ført inntekter frå det statlege lånet Statskog SF fekk ved kjøpet av Borregaard Skoger AS, jf. Prop. 11 S (2010–2011). Styret i Statskog SF har vedtatt å betale 75 mill. kroner i avdrag på lånet i 2017. Departementet foreslår difor å auka løyvinga over kap. 4162 post 90 med 50,0 mill. kroner.

Kap. 5651 Aksjar i selskap under Landbruks- og matdepartementet

Post 85 Utbytte

Kimen Såvarelaboratoriet AS har vedtatt å betale inn 204 000 kroner til LMD som aksjeutbyte for 2016. Departementet foreslår difor å auka løyvinga over kap. 5651 post 85 med 204 000 kroner.

Kap. 5652 Statskog SF – renter og utbytte

Post 80 Renter

På posten blir det ført renter frå det statlege lånet Statskog SF fekk i forbindelse med kjøpet av Borregaard Skoger AS, jf. Prop. 11 S (2010–2011). Det er forventa at føretaket vil innbetale 1,75 mill. kroner i 2017. Departementet foreslår difor å redusere løyvinga over kap. 5652 post 80 med 1,05 mill. kroner.

1.3 Andre saker

Avvikling av ITAS Eierdrift AS

Departementet foreslår ei fullmakt til å avvikle selskapet ITAS Eierdrift AS.

Teljing av rein i Nordland og Troms

Etter fleire års teljing av rein i Finnmark vurderer Landbruksdirektoratet at behovet for teljing no er størst i Nordland og Troms reinbeiteområde. Kap. 1142 post 71 Omstillingstiltak i Indre Finnmark gjeld i utgangspunktet Indre Finnmark, men departementet legg opp til å nytte noko av løyvinga på tiltak i Troms og Nordland.

2. Merknader frå komiteen

Komiteen, medlemene frå Arbeidarpartiet, Ruth Grung, Cecilie Myrseth, Nils Kristen Sandtrøen og Terje Aasland, frå Høgre, Margunn Ebbesen, Ingunn Foss, Kårstein Eidem Løvaas og Tom-Christer Nilsen, frå Framstegspartiet, Kjell-Børge Freiberg og Morten Ørsal Johansen, frå Senterpartiet, Nancy P. Anti og leiaren Geir Pollestad, frå Sosialistisk Venstreparti, Torgeir Knag Fylkesnes, frå Venstre, André N. Skjelstad, og frå Kristeleg Folkeparti, Steinar Reiten, syner til proposisjonen og dei framlegg som ligg i denne, og gjev sin tilslutnad til desse.

3. Tilråding frå komiteen

Komiteen viser til proposisjonen og til det som står ovanfor, og rår Stortinget til å gjere følgjande

vedtak

om endringar i statsbudsjettet 2017 under Landbruks- og matdepartementet m.m.

I statsbudsjettet for 2017 blir det gjort følgjande endringar:

Kap.	Post	Føremål	Kroner
		Utgifter
1115		Mattilsynet
	1	Drifsutgifter, blir auka med	8 500 000
		frå kr 1 356 484 000 til kr 1 364 984 000
	71	Tilskott til erstatningar, overslagsløyving, blir auka med	2 000 000
		frå kr 4 200 000 til kr 6 200 000
1142		Landbruksdirektoratet
	71	Omstillingstiltak i Indre Finnmark, kan overførast, blir auka med	500 000
		frå kr 2 300 000 til kr 2 800 000
	72	Erstatningar ved ekspropriasjon og leige av rett til reinbeite, overslagsløyving, blir auka med	165 000
		frå kr 302 000 til kr 467 000
	73	Tilskott til erstatningar mv. etter offentlege pålegg i plante- og husdyrproduksjon, overslagsløyving, blir auka med	20 000 000
		frå kr 55 610 000 til kr 75 610 000
	80	Radioaktivitetstiltak, kan overførast, blir redusert med	500 000
		frå kr 500 000 til kr 0
1148		Naturskade – erstatningar
	71	Naturskade, erstatningar, overslagsløyving, blir redusert med	44 000 000
		frå kr 169 000 000 til kr 125 000 000
1149		Verdiskapings- og utviklingstiltak i skogbruket
	71	Tilskott til verdiskapingstiltak i skogbruket, kan overførast, blir redusert med	26 100 000
		frå kr 107 070 000 til kr 80 970 000
1150		Til gjennomføring av jordbruksavtalen m.m.
	73	Pristilskott, overslagsløyving, blir auka med	127 340 000
		frå kr 3 303 535 000 til kr 3 430 875 000
1151		Til gjennomføring av reindriftsavtalen
	51	Tilskott til Utviklings- og investeringsfondet, blir redusert med	3 000 000
		frå kr 22 500 000 til kr 19 500 000
	75	Kostnadssenkande og direkte tilskott, kan overførast, blir auka med	2 800 000
		frå kr 85 550 000 til kr 88 350 000
	79	Velferdsordningar, kan overførast, blir auka med	200 000
		frå kr 2 250 000 til kr 2 450 000

		Inntekter
4100		Landbruks- og matdepartementet
	1	Refusjonar m.m., blir redusert med	90 000
		frå kr 117 000 til kr 27 000
4115		Mattilsynet
	1	Gebyr m.m., blir redusert med	10 000 000
		frå kr 193 293 000 til kr 183 293 000
4162		Statskog SF – forvaltning av statleg eigarskap
	90	Avdrag på lån, blir auka med	50 000 000
		frå kr 25 000 000 til kr 75 000 000
5651		Aksjar i selskap under Landbruks- og matdepartementet
	85	Utbytte, blir auka med	204 000
		frå kr 0 til kr 204 000
5652		Statskog SF – renter og utbytte
	80	Renter, blir redusert med	1 050 000
		frå kr 2 800 000 til kr 1 750 000

Fullmakt til å pådra staten forpliktingar ut over gitte løyvingar

Tilsegnsfullmakter

Stortinget samtykkjer i at Landbruks- og matdepartementet i 2017 kan gi tilsegn om tilskott ut over gitte løyvingar, men slik at samla ramme for nye tilsegn og gammalt ansvar ikkje overstig følgjande beløp:

Kap.	Post	Føremål	Samla ramme
1148		Naturskade – erstatningar
	71	Naturskade, erstatningar	79,0 mill. kroner
1149		Verdiskapings- og utviklingstiltak i skogbruket
	71	Tilskott til verdiskapingstiltak i skogbruket, kan overførast	101,1 mill. kroner

Andre saker

III

Fullmakt til å avvikle statlege selskap

Stortinget samtykkjer i at Landbruks- og matdepartementet i 2017 kan gi Norsk institutt for bioøkonomi og Veterinærinstituttet fullmakt til å avvikle ITAS Eierdrift AS.

Oslo, i næringskomiteen, den 5. desember 2017

Geir Pollestad

leiar og ordførar

Stortinget.no