Føremålet med denne proposisjonen er å be om Stortinget si godkjenning til å starte opp to nye investeringsprosjekt, endre omfanget på to investeringsprosjekt, og å informere Stortinget om to saker.

Utgangspunktet for godkjenning av investeringsprosjekta i Forsvaret er dei årlege budsjettproposisjonane (Prop. 1 S). Denne proposisjonen fyller såleis ut budsjettproposisjonen, og investeringsprosjekta som proposisjonen omtalar, er alle i samsvar med inneverande langtidsplan for forsvarssektoren (Prop. 14 S (2020–2021)).

Proposisjonen har følgjande innhald:

• Godkjenning av kostnadsramme for to nye eigedoms-, bygge- og anleggsprosjekt: eigedom, bygg og anlegg for materiell på Porsangmoen, og infrastruktur på Værnes.

• Godkjenning av omfangsendring av to pågåande materiellprosjekt: artillerilokaliseringsradar, og artillerisystem 155 mm.

• Informasjonssak om beredskap for sikring av oppsetjingsstadene til Heimevernet (HV).

• Informasjonssak om NH90 og mogleg innleige av helikopter.