Samferdselsdepartementet
legg i proposisjonen fram nokre saker som gjeld veg, særskilde transporttiltak
og transport i byområda mv. Det blir føreslått å oppheve eit oppmodingsvedtak,
vedtak nr. 211 av 7. desember 2020 om ein lovheimel som gjer det mogleg
for norske styresmakter å halde tilbake køyretøy som er skuldig
bompengar. Vedtaket er svart ut i Prop. 1 S (2021–2022). Vidare
er det gjort greie for oppfølginga av tre andre oppmodingsvedtak,
vedtak nr. 35 pkt. 8.2 av 2. desember 2021, vedtak nr. 35 pkt. 22
av 2. desember 2021 og vedtak nr. 960 av 20. mai 2021.
Det er i proposisjonen
kapittel 2 orientert om nokre saker på vegområdet: E16 Øye–Eidsbru
i Innlandet, E39 Bjerkeset–Astad i Møre og Romsdal, om evaluering
av statleg ferjeavløysingsordning og om mogleg samordning av rabattordningar
i to bompengeprosjekt i Agder. I kapitel 3 Særskilte transporttiltak
følgjer ei orientering om kjøp av sjøtransporttenester på strekninga
Bergen–Kirkenes.
Proposisjonen kapittel
4 Transport i byområda mv. gjev ei orientering om tilskot til mindre
byområde utanfor byvekstavtalane, om bruk av tilskotsmidlar i byvekstavtalane,
om bruksfordelar for elbilar i byområda og om endra vilkår for bruk
av tilskotsmidlar i byvekstavtalane.
Ein viser til proposisjonen
for nærare omtale av forslaget og dei ulike sakene.