Under programområde 02 Utanriksforvaltning blir det gjort framlegg om å auke løyvingane med 150 mill. kroner. Auken har i hovudsak samanheng med høgare utgifter under EØS-finansieringsordningane (kap. 117) i år.

Gebyrinntektene for Schengen-visum, jf. kap. 3100, aukar i år etter at mange land har letta på innreiserestriksjonane.

Under programområde 03 Internasjonal bistand blir det gjort framlegg om endringar mellom anna knytt til justeringar i kontingentane for Noregs pliktige bidrag til internasjonale organisasjonar. Det blir òg gjort framlegg om å omdisponere midlar til FNs system med nye, uavhengige stadlege koordinatorar for å fremje betre samordning av FN på landnivå. Vidare blir det gjort framlegg om å gje eit mindre tilskot til Verdsbankens fond for pandemiberedskap og -respons. Flyktningutgiftene i Noreg som kan godkjennast som internasjonal bistand (ODA), blir foreslått reduserte med 1 702,9 mill. kroner.