Meldinga omtalar fiskeriavtalane Noreg har inngått med andre land for 2026 og fisket etter avtalane i 2024 og 2025. Meldinga gjev ei innføring i viktige tema i det internasjonale fiskerisamarbeidet, som det havrettslege rammeverket, internasjonale havmiljøprosessar, kontrollsamarbeid, og kampen mot ulovleg, uregulert og urapportert fiske og fiskerikriminalitet. I tillegg gjer meldinga greie for status og vitskapleg rådgjeving for dei viktigaste bestandane Noreg deler med andre land.