Rita H Roaldsen (Sp):
Jeg skal få
stille følgende spørsmål til kirke-, utdannings- og forskningsministeren:
Departementet har varslet en
stortingsmelding med basis i evalueringen av omorganiseringen av
spesialundervisningen.
Hvordan kan statsråden forklare en
reduksjon i bevilgningene til Nord-Norge-programmet før en har foretatt en
evaluering?
Statsråd Reidar Sandal:
På bakgrunn av
førehavinga av St.meld.nr.54 (1989-1990) og St.meld.nr.35 (1990-1991) « Om
opplæring av barn, unge og voksne med særskilte behov », jf.
Innst.S.nr.160
(1990-1991), blei det i 1990 etablert eit regionalt kompetansesystem i dei
tre nordlegaste fylka, Programmet for Nord-Noreg, med sekretariatsfunksjonen
lokalisert til utdanningskontoret i Troms. Det statlege
kompetansenettverket har ansvaret for å sikre spisskompetanse som ein ikkje
kan vente at den einskilde kommune eller fylkeskommune skal ha.
Lengda på programperioden er særskilt
omtalt i
Innst.S.nr.160
(1990-1991), der det blir uttrykt behov for ein utbyggings- og
planleggingsperiode på fire til fem år for å utvikle eit tenleg nettverk i
Nord-Noreg. Eit styre for Programmet for Nord-Noreg blei oppretta i 1992.
Programperioden blei derfor sett til ut året 1995, og avslutninga av
programmet er omtalt i St.prp.nr.1 (1994-1995). Programmet har sidan 1991
fått tildelt ordinære driftsmidlar.
Programmet for Nord-Noreg fekk i 1995
og 1996 i oppdrag å gjere resultatet av utviklingsperioden for programmet
kjent og utvikle plan for varige nettsverksordningar som skal inn i det
etablerte utdanningsadministrative systemet for landsdelen. Oppsummeringa
av resultatet og planen for varige nettverksordningar blei av ulike grunnar
forseinka. Programperioden er avslutta, og tildelinga til programmet kunne
ikkje lenger haldast på same nivå som under programperioden. Løyvingane
under kap. 243 Kompetansesentra for spesialundervisning blei reduserte for
1996, og tildelingane til styra for dei landsdekkjande og regionale
kompetansesentra og styret for Programmet for Nord-Noreg er alle blitt
tilsvarande reduserte.
Tildelinga til Programmet for
Nord-Noreg er frå 1995 til 1996 nominelt redusert med ca 5 mill. kr. Noko
av denne reduksjonen må sjåast i samanhang med den generelle reduksjonen av
kapitlet og må innarbeidast ved rasjonaliserings- og effektiviseringstiltak
i ulike delar av verksemda, medan ein del av reduksjonen må tilskrivast
reduksjonen av omfanget av utviklingsprosjekt i programmet.
Styret er bedt om å evaluere
utviklingsprosjekta og lage ein plan som viser behovet for knutepunkt i
landsdelen og deira kompetanseprofil, på bakgrunn av dokumenterte behov og
dei erfaringane som er gjorde med slikt kommunalt og statleg avtalebasert
samarbeid. Ein må her ta omsyn til kompetanse som er tilgjengeleg for
landsdelen også ved dei landsdekkjande statlege spesialpedagogiske
kompetansesentra og frå andre sektorar i landsdelen med ansvar for same
målgruppe. Nord-Noreg skal totalt sett ha tilgjenge til den same
spisskompetansen som dei andre landsdelane.
Innafor den tildelinga som er gjeven,
meiner departementet det er mogleg å avslutte evalueringsarbeidet og gjere
modellforsøksavtalar med nokre få kommunar om spisskompetente
pedagogisk-psykologiske knutepunkt.
Rita H Roaldsen (Sp):
Jeg takker
statsråden for svaret. Det var et omfattende svar, men ikke særlig
oppløftende for videreføringen av en del prosjekt under Programmet for
Nord-Norge. I St.prp.nr.1 (1995-1996) sa Regjeringen under Resultatmål for
de statlige kompetansesentrene:
Departementet
skal utarbeide forslag om videreføring av det statlige støttesystemet på grunnlag
av evaluering av omstillingsperioden ...
Jeg syns derfor det rimer dårlig at
man reduserer det statlige støttesystemet nå og dermed også aktiviteten
under Programmet for Nord-Norge, før man har fått en evaluering av hva som
skal videreføres av de ulike prosjektene. Det er også viktig at Programmet
for Nord-Norge får en evaluering, slik at man på bakgrunn av den kan
utarbeide en plan for permanente ordninger.
Statsråden sier videre i svaret at
reduksjonen må innarbeides ved rasjonaliserings- og effektiviseringstiltak i
ulike deler av virksomheten. Ville det ikke være lettere å gjennomføre det
på bakgrunn av en evaluering?
Statsråd Reidar Sandal:
Det står
sjølvsagt fast at den evalueringa som er varsla, vil kome. I svaret til
representanten Roaldsen har eg peika på korfor det er ein reduksjon i dei
midlane som Programmet for Nord-Noreg har fått for inneverande år. Det
knyter seg til den avgjerda som er teken om den totale budsjettramma for
kompetansesenter for spesialundervisning, og òg til det faktum at
programperioden, som eg omtalte ganske grundig i svaret mitt, verkeleg er
slutt. Og desse to omsyna er det som er dei berande argumenta for den
situasjonen som ein då har, men evalueringsarbeidet vil kome slik som det
har vore lova.
Rita H Roaldsen (Sp):
Jeg takker
statsråden for svaret. Vi ser også fram til å få en evaluering av hele
omorganiseringen av spesialundervisningen. Statsråden bruker også som
argument for nedskjæringer at Stortinget har vedtatt Regjeringens forslag om
en reduksjon på kap. 243. Men hvis man ser på den reduksjonen, var det en
reduksjon på 2 mill. kr til kommuner og fylker, mens Programmet for
Nord-Norge har fått en reduksjon på 5 mill. kr. Det utgjør ca 20 % av
budsjettet, og det er en forholdsmessig stor reduksjon. Samme argument blir
også brukt overfor det vestlandske kompetansesenter, som også har fått en
reduksjon. Så den reduksjonen som vi var med på i Stortinget, må være
« oppbrukt » for lenge siden. Programmet for Nord-Norge har sagt at de må ha en
tilleggsbevilgning på 3 mill. kr for å kunne opprettholde driften til de har
foretatt en evaluering. Vil statsråden gjøre noe med det i forhold til
revidert nasjonalbudsjett?
Statsråd Reidar Sandal:
Eg registrerer
at representanten Roaldsen har stort engasjement her, og det er ei ærleg
sak. Dei argumenta som eg har gjeve for den økonomiske ramma som ein har å
arbeide innanfor, står fast, og det er òg i samsvar med den avgjerda som er
teken i denne salen etter tilråding frå Regjeringa.
Når det gjeld det siste spørsmålet som
representanten Roaldsen stiller, om kva som skjer i samband med revidert
nasjonalbudsjett, er det sjølvsagt ikkje mogleg for meg å seie noko konkret
om kva det vil innehalde. Det er elles eit dokument som Stortinget vil bli
kjent med komande fredag, når det blir lagt fram. Men dette må ikkje
tolkast i noka spesiell retning.