Rune E Kristiansen (A):
Jeg tillater
meg å stille følgende spørsmål til kirke-, utdannings- og
forskningsministeren:
Oslo bystyre har i møte 3. desember
1997 sagt nei til etablering av muslimsk grunnskole.
Vil dette vedtak få avgjørende
betydning for statsrådens behandling av søknaden om etablering av slik
skole?
Statsråd Jon Lilletun:
Eit av dei
føremåla som gjev grunn til godkjenning etter privatskulelova, er at skulen
er skipa « av religiøse og/eller etiske grunnar », jf. lova § 3 bokstav a.
Etter lova § 25 nr. 2 skal vertskommunen og Statens utdanningskontor i
fylket uttale seg. Etter privatskulelova § 25 nr. 3 avgjer så departementet
« i kvart einskilde tilfelle om skulen tilfredstiller krava etter denne lova,
og om skulen etter ei samla vurdering skal godkjennast med rett til
tilskot ».
Fråsegna frå Oslo bystyre vil verte
tillagd vekt, men ikkje avgjerande vekt, når det gjeld utfallet av saka. Ho
vil vere med i den totalvurderinga som departementet gjer etter
privatskulelova.
Når det gjeld denne konkrete saka, må
vi sjå om søknaden held mål fagleg og med omsyn til dei rammevilkåra som
elles gjeld. Private skular må såleis fylle dei same faglege kvalitetskrava
som tilsvarande offentlege skular.
Eg viser i den samanhengen til at
privatskulelova og alminnelege forvaltningsrettslege prinsipp om forbod mot
usakleg forskjellsbehandling set rammer for departementet sitt handlingsrom.
Eg minner òg om at Noreg er bunde av internasjonale konvensjonar på området.
Det kan m.a. vere i strid med diskrimineringsforbodet å ikkje godkjenne
muslimske skular på same vilkår som kristne skular.
Departementet vil no starte
sluttbehandlinga av denne saka sidan alle dokument ligg føre.
Rune E Kristiansen (A):
Jeg takker
for svaret, som jeg dessverre må si jeg finner noe skuffende. Jeg hadde
håpet at statsråden ville tillegge et bystyrevedtak i Oslo knyttet til denne
saken langt sterkere vekt. Jeg hadde også ventet at statsråden hadde hatt
noen synspunkter på den politiske delen av dette, nemlig at integrering og
felles skolegang har vært og fortsatt er et av de viktigste virkemidlene som
bystyret i Oslo jobber ut fra. Det er også utgangspunktet for et klart
flertallsvedtak i Oslo bystyre.
Jeg tillater meg å be statsråden om
synspunkter på nettopp den siste delen. Jeg opplever det slik at statsråden
ikke vil tillegge bystyrevedtaket i Oslo avgjørende betydning, men det kunne
jo vært interessant å høre statsrådens syn når det gjelder integrering og
felles skolegang.
Statsråd Jon Lilletun:
Ut frå
tilleggsspørsmålet kunne det høyrast ut som om representanten Kristiansen
meinte eg skulle leggje meir vekt på kommunale vedtak enn på norsk lov. Det
er sjølvsagt ikkje aktuelt. Eg trur heller ikkje han meinte det, men det
kunne høyrast slik ut. Derfor kan eg ikkje leggje avgjerande vekt, som han
bad om, men sjølvsagt stor vekt på det som eit fleirtal i Oslo bystyre har
sagt.
Når det gjeld representanten
Kristiansens hovudspørsmål, deler eg mange av synspunkta hans, for det er
heilt opplagt at det er ynskjeleg at flest mogleg går i einskapsskulen. Det
er spesielt ynskjeleg i forhold til minoritetar, slik som tilfellet er her,
og i forhold til dei med ein annan kulturbakgrunn enn vår eigen. Men
samstundes har vi plikt til å rette oss etter internasjonale konvensjonar.
Foreldre til muslimske barn må ha same typen foreldrerett som andre foreldre
i Noreg har, derfor må det òg tilleggjast vekt.
Vi kjem derfor til å avgjere dette
etter ei samla vurdering. Og den saksbehandlinga skal vi gå grundig,
seriøst og skikkeleg inn i, for no er alle papira komne til departementet.