Spørsmål 29
Reidun Gravdahl (A):
Jeg tillater meg
å stille følgende spørsmål til sosialministeren:
En eldre bosnisk dame som er kommet
for familiegjenforening, får ikke sine behov for hjelpemidler dekket fordi
hun ikke har status som flyktning.
Hva vil statsråden gjøre for at
mennesker med opphold på humanitært grunnlag i framtiden vil få de
nødvendige tekniske hjelpemidlene?
Statsråd Magnhild Meltveit Kleppa:
Det er eit vilkår for rett til tekniske hjelpemiddel at ein enten har vore
medlem i folketrygda i dei siste tre åra fram til kravet er framsett, eller
at ein har vore medlem i det siste året fram til ein fekk behov for
hjelpemidlet. Dette fylgjer av kapittel 10 i folketrygdlova om ytingar under
medisinsk rehabilitering.
Det kan gjerast unntak frå vilkåret om
medlemskap når særlege grunnar gjer det rimeleg. Etter det eg har fått
opplyst frå Rikstrygdeverket, skal trygdeetaten normalt gjera unntak i slike
forhold som spørsmålet her tek opp. No kjenner eg ikkje denne konkrete
saka, men la meg likevel seia: Det einaste kravet i denne samanhengen er at
ein kan leggja til grunn at søkjaren blir her i Noreg. Dersom situasjonen
er slik, vil eg rå denne bosniske kvinna til å be om ei ny vurdering.
Elles ynskjer eg òg å sjå nærare på
regelverket, slik at ein kan unngå problem som dette i framtida.