Rolf Reikvam (SV):
Jeg tillater meg å
stille følgende spørsmål til kirke-, utdannings- og forskningsministeren:
Ordningen med igangsetting av nye
studier på høgskolene er sterkt begrenset. De må blant annet gjennom full
søknadsrunde for studier som for eksempel en ekstern oppdragsgiver ønsker å
finansiere fullt ut innen et område de fra før ikke har godkjenning på.
Godkjenningsprosedyren tar da et halvt til ett år. Deretter må det
utarbeides studieplan og få den godkjent.
Vil statsråden ta initiativ til å
endre regelverket slik at det blir lettere for høgskoler å opprette nye
studietilbud?
Statsråd Jon Lilletun:
I § 46 i lov
om universitet og høgskular heiter det at det er departementet som skal
fastsetje kva for fag, emne eller liknande som institusjonen kan tilby, og
som skal gå inn i grunnlaget for ein grad, ei yrkesutdanning eller eit
utdanningsprogram som er fastsett med heimel i § 45 nr. 1 i same lov.
Departementet har laga eigne
retningsliner for etablering av nye fag og studium, planarbeid og
godkjenning av planar ved dei statlege høgskulane. Etter desse
retningslinene skal høgskulane søkje departementet om godkjenning av fag og
studium som har normert studietid på eit halvt år eller meir. Viktige omsyn
i vurderinga av søknadene om etablering er spreiing av fag ut frå nasjonale
behov, arbeidsdeling i Noregsnettet og fagprofilen og den faglege
kompetansen ved den enkelte høgskulen. Ryddige prosedyrar og høg kvalitet i
arbeidet med utvikling av nye fagtilbod er viktig. Denne kvalitetssikringa
fører til ei sakshandsaming når det gjeld søknader om etablering, som nok
kan opplevast som omstendeleg, særleg når eksterne oppdragsgjevarar ønskjer
igangsetjing av nye tilbod svært raskt. Departementet krev derfor noko
mindre dokumentasjon i saksutgreiinga for oppdragsstudium enn for ordinære
studium. Dette er truleg høgskulane kjende med.
Det er institusjonane sjølve som
fastset studieplanar for dei ulike tilboda. Institusjonane kan velje om
studieplanen skal vere ferdig utvikla og godkjend eller ikkje, før søknad om
etablering vert send til departementet.
Høgskulane har høve til å godkjenne
igangsetjing av kortare kurs og ulike etterutdanningstilbod sjølve.
Dei statlege høgskulane er gjorde
kjende med at departementet vil gå gjennom retningslinene og prosedyrane for
etablering av nye fag og studium når Noregsnettrådet har kome i funksjon, og
det er fastsett ny modell for lærarutdanninga.
I NOU 1997:25 Ny kompetanse er det
foreslått at styret ved kvar utdanningsinstitusjon skal få fullmakt til å
setje i gang vidareutdanningstilbod i eigen regi på 20 vekttal eller mindre.
Dette gjeld innanfor dei fagområda der institusjonen har kompetanse.
Forslag frå utvalet skal vurderast i samband med arbeidet med
stortingsmeldinga om etter- og vidareutdanning, som skal leggjast fram i
vår.
Eg er samd med representanten Reikvam
i at det bør bli enklare for høgskular å opprette nye studietilbod for å
møte krava på etter- og vidareutdanningsmarknaden. Eg vil derfor, som
nemnt, kome tilbake til saka i samband med stortingsmeldinga om etter- og
vidareutdanning.
Rolf Reikvam (SV):
Jeg takker for
svaret. Statsråden er tydeligvis i godt lune i dag.
Jeg er enig med ham i at det trengs
ryddige prosedyrer, og at vi må ha et system som sikrer at ikke hver enkelt
høgskole etablerer egne kurs, uavhengig av hverandre. Det må være en eller
annen form for styring. Det er jeg enig med ham i. Signalene var også
stort sett positive, men jeg føler nok likevel at svaret var litt for mye
rettet inn mot etter- og videreutdanning. Det er en viktig del av dette -
for all del. Det er en svært viktig del av det tilbudet høgskolene skal ha,
men det går jo ut over etter- og videreutdanningstilbudet. Dette gjelder
tilbud generelt ved høgskolene, hvor det er behov for en noe enklere
prosedyre. Jeg håper også at statsråden er villig til å se på de ordinære
kursene, ikke bare de som er rettet inn mot etter- og videreutdanning, når
han skal gå gjennom dette.
Ved behandlingen av B.innst.S.nr.12
før jul gjorde et enstemmig storting følgende vedtak:
Stortinget
ber Regjeringen endre regelverket for universitetenes og høgskolenes adgang til
å ta på seg oppdrag med sikte på å gi institusjonene større handlefrihet.
Mener statsråden at dette vedtaket må
få konsekvenser for reglene?
Statsråd Jon Lilletun:
Til det er
svaret ja. Det er heilt klart at det må få konsekvens, for ei så klar
utsegn frå Stortinget er departementet sjølvsagt nøydt til å følgje opp og
kome tilbake med. Det må då balanserast mot dei omsyna som eg nemnde. Eg
kan vere einig i at eg retta det veldig mykje inn mot etter- og
vidareutdanning, for det er òg ein del eksempel på at næringslivet har behov
for t.d å kjøpe kurs i ein periode. Det bør kunne skiljast mellom tilbod
som vert etablerte for å avhjelpe eit behov som er der i stunda, og eit fast
etablert tilbod i Noregsnettet. Så eg stadfestar at det Stortinget har bede
om, skal kome tilbake til Stortinget, og eg skal ta med meg dei andre
synspunkta som representanten Reikvam hadde, med dei atterhalda eg hadde i
innlegget mitt.