Arne Sortevik (FrP)
[13:04:42]: «Prognosen for vekst i veitrafikken
som ligger i nasjonale transportplaner, og som videreføres
i enkeltprosjekter, er betydelig lavere enn faktisk trafikkvekst.
Det innebærer at nye veier dimensjoneres feil.
Slike feil kan bl.a. medføre at behov for oppgradering/utvidelser
melder seg tidligere enn normalt og med tilhørende ekstrakostnader.
En slik forvaltning gir dårlig samfunnsøkonomi.
Hvordan vil statsråden sikre
at både veiplaner og konkrete veiprosjekter heretter
baseres på mer realistiske trafikkprognoser?»
Statsråd Liv Signe
Navarsete [13:05:23]: Eg har tidlegare svara på eit nesten
identisk spørsmål frå representanten Arne
Sortevik. Det var spørsmål nr. 866 til skriftleg
svar. Det er ikkje så mykje meir eg kan seie
om dette enn det eg gjorde den gongen, men eg kan nytte høvet
til igjen å informere om kva som vert gjort for å lage så gode
framskrivingar av trafikken som mogleg.
Det vil aldri vere noka
lett oppgåve å lage framskrivingar av
trafikken. Dette gjeld ikkje berre vegtrafikk, men òg
andre transportmåtar. Drivkrefter
for utvikling av trafikk, val av transportmiddel og reiserute er
samansette, og sjølvsagt heller ikkje kjende
for år fram i tid. Ein kan ikkje vente å treffe
bra for einskilde år, men det er viktig at me over fleire år
ikkje ligg konsekvent for høgt eller
for lågt i høve til den faktiske utviklinga.
I retningslinene som departementa har gitt
for etatane og Avinor AS sitt førebuande arbeid til NTP,
er det klårt streka under at dei i samarbeid
må utarbeide prognosar som er mest mogleg forventningsrette.
I oppfølginga av dette tek både transportetatar
og forskings- og utgreiingsinstitusjonar del. Både
for gods- og persontransport vert det m.a. utvikla
betre modellar som skal hjelpe oss å lage betre
framskrivingar. Det er òg viktig at me i dette arbeidet
nyttar framskrivingar for økonomisk utvikling og befolkning
som er konsistente med dei som vert nytta i anna planlegging. Både
Finansdepartementet og Statistisk sentralbyrå vert difor
trekte inn i prognosearbeidet.
Det ligg pr. i dag ikkje føre
nye framskrivingar, men eg kan forsikre om at eg er oppteken av
at mest mogleg realistiske prognosar skal vere
grunnlaget for transportplanlegginga, både i samband med
NTP og i samband med utforming av dei enkelte prosjekta. Eg har
tiltru til at det vert resultatet av det pågåande
arbeidet.
Arne Sortevik (FrP) [13:07:15]: Jeg takker for svaret. Det er jo både
interessant og løfterikt.
Men det var altså slik at da Stortinget i 2004 behandlet
den transportplanen som vi nettopp har startet på,
var man også den gang bekymret for prognosene,
og det var uttrykt et ønske fra departementet
om å lage bedre prognoser med større
vektlegging av prognosenes nytte til planleggingsformål. Dessverre
er det slik at når vi snur oss bakover en del år, ser
vi at det har vært atskillig høyere trafikkvekst
enn de 1,5 pst. som nå ligger inne som det offisielle
planleggingstallet.
Da er spørsmålet om vi må vente
på ny transportplan i 2010 før vi gjør
noe med denne faktoren som er med og dimensjonerer og prioriterer
nye veiprosjekter.
Statsråd Liv Signe Navarsete [13:08:11]: Som eg sa i mitt skriftlege svar til Sortevik
tidlegare, og som eg for så vidt gjentok no, har vi under
utarbeiding nye prognosar for trafikkutvikling. I det arbeidet tek
ein med dei erfaringane som ein gjorde i den førre nasjonale
transportplanen. Eg skal ta med meg dei bekymringane som representanten Sortevik
gir uttrykk for – som eg for så vidt deler – for
det er ingen som er tent med at vi byggjer våre
planverk på feil føresetnader. Og legg ein trafikktalet
for lågt, vert ein vesentleg føresetnad feil,
for det er nettopp trafikktalet som kanskje er med og
i stor grad dimensjonerer utbygging av iallfall enkeltstrekningar,
og kanskje òg totaliteten. Eg har dette med meg i det vidare
arbeidet.
Arne Sortevik (FrP) [13:09:05]: Takk, det er bra. Og det er ikke
representanten Sortevik alene som er bekymret for dette. Transportkomiteen
har nettopp vært på befaring i Oppland
og Hedmark, og den samme bekymringen kom frem da. Under transportkomiteens
budsjetthøring i går ble den samme bekymringen
og den samme frustrasjonen gjentatt av fylkesordføreren
i Østfold, hvor man altså har konkrete prosjekter
for utbygging av E18 og faktisk bygger med gale forutsetninger,
slik at nye parseller er underdimensjonert ved åpningen.
Derfor er hovedbekymringen at vi, mens vi arbeider
ut grunnlaget for en ny transportplan som skal gjelde fra 2010,
faktisk på ulike nivåer holder på med
en rekke veiprosjekter som går mot oppstart – eller
som er i oppstart – og som faktisk baserer seg på feil
trafikkgrunnlag. Trafikkveksten har over en rekke år ligget
på mellom 3 og 5 pst., og vi planlegger å bygge
for 1,5 pst. vekst.
Statsråd Liv Signe Navarsete [13:10:12]: I det skriftlege svaret som eg viste til tidlegare,
er det opplyst at dei analysane som no vert gjorde, og som forhåpentlegvis skal
ferdigstillast i løpet av vinteren – det reknar
eg med, det er iallfall dei signala eg har fått – òg
skal kunne brukast på prosjektnivå når
dei er ferdige og kvalitetssikra. Det vil då kunne kome
til møtes ein del ynske frå fylkesordførarar
og andre som sjølvsagt er bekymra for at ein ikkje
får dei rette dimensjonane på vegprosjekta. Så eg håpar
at når vi no kjem inn i 2007 eit stykke, skal me ha på plass
nye prognosar, og då kan ein bruke dei til å kvalitetssikra
dei prosjekta ein har allereie i denne perioden.