Spørsmål

Oddbjørg Ausdal Starrfelt (A): Etter Reform 94 kan ein oppnå studiekompetanse på fleire måtar, mellom anna ved påbygging av ålmenne fag etter avlagt fag/sveinebrev. Det er vesentleg å medvirka til mobilitet i arbeidsstokken, og å leggja til rette for ulike utdanningsvegar til høgare utdanning. Det er derfor etter interpellanten si vurdering viktig å stimulera ungdom og vaksne med fag- eller sveinebrev til å ta høgare utdanning. Ein kan og sjå dette i samanheng med livslang læring og med at samfunnet treng målretta etter- og vidareutdanning for vaksne.
Kva tiltak vil statsråden setja i verk for å stimulera ungdom og vaksne med fag- eller sveinebrev til å ta høgare utdanning?