Ingrid Fiskaa (SV): Seks palestinske menneskerettsorganisasjonar blei inkludert av Israel på terrorlista den 19. oktober 2021. Utanriksministeren uttrykte i januar at Noreg vil be Israel gjera om på vedtaket om det ikkje førekjem tilstrekkelig informasjon som underbygger skuldinga innan rimeleg tid. Det er no sju månadar sidan terrorstemplinga fant stad.
Meiner utanriksministeren at sju månadar er «rimeleg tid», og vil utanriksministaren no be Israel oppheva terrorstemplinga av dei seks palestinske menneskerettsorganisasjonane?
Begrunnelse
Den 19. oktober 2021 inkluderte Israel seks palestinske menneskerettsorganisasjonar på terrorlista: Union of Palestinian Women’s Committees (UPWC), Addameer, Bisan Center for Research and Development, Al-Haq, Defense for Children International – Palestine (DCI-Pog Union of Agricultural Work Committees (UAWC).
Tre av desse er støtta av Noreg. Utanriksministeren har gjentekne gonger uttrykt si bekymring for denne innskrenkinga av palestinsk sivilsamfunn og annonsert at Noreg vil be Israel om å gjera om på terrorstemplinga om det ikkje førekjem tilstrekkeleg informasjon som underbygger avgjerda innan rimeleg tid. Sju månadar har gått og Israel har ikkje kome med noko bevis.
Terrorstemplinga har allereie råka organisasjonane hardt. Leiar av Addameer, Sahar Francis, vart nekta utreise frå Israel då ho skulle på føredragsturne i USA og det same gjaldt også leiar av Bisan forskingssenter. Advokaten Salat Hammouri fra Addameer er fengsla utan dom og sit i administrativ forvaring.
Terrorstemplinga vil bli gjort permanent den 19 mai og pengeoverføringar til menneskerettsorganisasjonane vil deretter bli vanskeleg fordi dei vert utestengde frå banksystemet.
Fleire land har kome med klare meldingar. Både Irland og Luxembourg sa i FNs menneskerettsråd 4. mars 2022 at dei støttar FNs høgkommissær for menneskerettar i at Israel må gjere om på terrorstemplinga. Irland og Frankrike har i FNs tryggingsråd sagt at dei vil fortsetje å støtte organisasjonane.