Frank Edvard Sve (FrP): Kva har samferdselsministeren tenkt å gjere for å unngå permiteringar og oppsigelsar innan transport, bygg og anleggsbransjen dersom regjeringa med støtte frå SV har tenkt å nedeskalere, utsette og kutte betydeleg i vegutbygginga her i landet i tida framover?
Begrunnelse
Statsråden har den siste tida signalisert kutt og nedeskalering av vegbygging i Norge i tida framover. SV som regjeringa sine "budsjettkameratar" har ved fleire høve hevda at samferdselsbygginga skal kraftig kuttast.
Fleire større byggjeprosjekt som no står klar til oppstart er satt på vent og utsatt på ubestemt tid. Statsråden har uttalt at NTP ikkje er realistisk og ynskjer å rullere planen eit år før normal rullering, tydelegvis for å kutte planen betydeleg.
Transport, bygg og anleggsbransjen står i "kneståande" pga. dei svært høge drivstoffprisane og høge byggjekostnadar generelt. I mange områder går det no mot slutten på store vegutbyggingar, slik som til dømes i Møre og Romsdal. Det er derfor eit stort behov for utlysing av nye større vegprosjekt for å kunne holde hjula i gang innan desse bransjane i ei ellers vanskeleg tid.
Dersom statsråden og regjeringa kuttar ut og utsetter større vegprosjekt, vil dette gå frå vondt til værre for transport, bygg og anleggsbransjen i heile landet.