Birgit Oline Kjerstad (SV): Korleis vil klima- og miljøministeren sørge for at oppryddinga av massedeponia ved Taraldrudkrysset i Nordre Follo kommune vert gjennomført slik at ein får stansa forureininga frå mellom anna den statlig eigde grunnen, og frå masser der mykje har kome frå tomter i regjeringskvartalet, og store statlege byggeprosjekt i Oslo sentrum?
Begrunnelse
Saka om skiferdeponiet i Nordre Follo kommune har pågått heilt sidan sidan tidleg på 2000-talet. Massene skriv seg frå tomter og byggeprosjekt som vart opparbeidde mellom 1980 og 1990. Skiferdeponia inneheld meir enn 50 000 kubikkmeter svartskifer og alunskifer som er syredannande. På grunn av forvitring og nedbør vert tungmetall og radioaktivt uran frigjort frå massene og siv ut i miljøet rundt deponia som ligg på eigedomane til Statens Vegvesen (gnr./bnr. 157/2) og Åsland Næringspark Eiendom (gnr./bnr.105/4). Prosessen med å få gjort noko med forureiningsproblemet har pågått i svært lang tid til tross for at både Miljødirektoratet (MD) og Direktoratet for Statens Strålevern (DSS) begge har presisert at saka har høg prioritet. Tilliten til at Staten som forureinar rydder opp etter seg er svekka på grunn av at det har teke så lang tid, og at det er stor forureiningsfare. Tungmetall og radioaktivt uran som siv ut frå massene siv ut i grunnen og kan til slutt finne vegen til kommunen si drikkevasskjelde Gjersjøen, via Snipetjernbekken. Snipkternbekken framstår i dag som fullstendig gjengrodd, og dersom det ikkje vert gjort tiltak vil området kunne utvikle seg til eit giftig sumpområde. Det uroar SV at Statens Vegvesen i brev av 15.06.2022 seier at dei ikkje har økonomisk handlingsrom for å gjennomføre pålagde tiltak. I eit brev til Miljødirektoratet datert 15 juni 2022 stiller SVV spørsmål om selskapet er rett etat for finansiering av miljøtiltak på statlig grunn, og vil ha dialog med Samferdselsepartementet og Klima og Miljødepartementet om finansiering.