Frank Edvard Sve (FrP): Kan samferdselsministeren bekrefte med bakgrunn i at Møreaksen ikkje ligg inne med planleggingsmidlar for budsjettet 2023, og at all planlegging av Møreaksen som folket i Møre og Romsdal ikkje vil ha, no faktisk er stoppa?
Begrunnelse
I spørsmål til samferdselsministeren i 2022 bekrefta ministeren at Møreasken ikkje ligg inne med planleggingsmidlar for budsjettåret 2023.
Dette sjølvsagt begrunna med at Møreaksen ligg langt utanfor noko prioriteringslister.
Regjeringa har utsatt dei store vegprosjekta her i landet som stod klare for bygging, noko som sjølvsagt betyr at dei neste 10-20 prosjekta rundt omkring i landet vert utsatt ytterlegare.
Møreaksen er eit prosjekt som aldri har vore prioritert på topp i Møre og Romsdal, men har "sneket i køa" ved at Statens vegvesen region midt har brukt planleggingsmidlane på dette prosjektet, i staden for dei prosjekta som faktisk har blitt prioritert som nr. 1,2 og 3 osv. i fylket.
Døme på dette er E-136 Ålesund-Romsdalen- Bjorli , E-39 Veibust- Blindheim - Moa og RV15 Strynefjellet. Dette er prosjekt Møreaksen urettvis har henta planleggingsresursar frå, til eit prosjekt som folket i heile Møre og Romsdal ikkje vil ha.
Statsbudsjetta og midlane for planlegging, må gå til dei prosjekta som faktisk er prioritert og skal byggjast, ikkje til det Statens vegvesen region midt ynskjer å holde på med kun for å sysselsette sin stab.
Planlegging av Møreaksen er å "bære høy til ein døyande hest" som ordtaket seier, Møreaksen vil aldri kunne realiserast og med dagens prisgallopp og regjeringa sin stopp av vegutbygging, vil Møreaksen raskt passere både 40-50 milliard kr, og sjølvsagt er totalt urealiserbart.
Når ein ikkje klarer å bygge dei vegsambanda som verkeleg har stor trafikk, mange alvorlige ulykker og store utfordringar for trafikantane, kan ein ikkje fortsette å sløse med skattebetalarane sine pengar på fortsatt planlegging av Møreaksen.
Det er nyleg kome rapport for 2022 ang dødsulykker på Norske vegar, 118 omkomne er svært alvorleg.
Det er brei politisk semje om at trafikktrygging, sikre og trygge vegar er pri 1, og at ulykkestalla må ned her i landet.
Då må faktisk pengane til samferdsel nyttast til å bygge nye sikre vegar på ulykkesutsatte smale og dårlige veier, meir rassikring, trafikktrygging, og eit betydeleg styrka vegvedlikehold både på fylkes og riksvegnettet.
Derfor kan ein ikkje fortsette å sløse vekk pengar på prosjekt slik som Møreaksen, med sine 2300 bilar i døgnet over Romsdalsfjorden der ingen ulykker skjer.