Du bruker en gammel nettleser. For å kunne bruke all funksjonalitet i nettsidene må du bytte til en nyere og oppdatert nettleser. Se oversikt over støttede nettlesere.
Dokument nr. 15:2256 (2024-2025) Innlevert: 20.05.2025 Sendt: 21.05.2025 Besvart: 27.05.2025 av samferdselsminister Jon-Ivar Nygård
Liv Kari Eskeland (H): Kor mykje antas det at Norges bompengeselskaper taper pr år på at ikkje EETS-direktivet for tilrettelegging og utveksling av opplysninger mellom medlemslandene om manglende bompenger, er implementert, og hva er de antatte månedsvariasjonene?
Svaret kan oppgis som eit grovt antatt estimat.
Jon-Ivar Nygård: Passeringar i bomstasjonane med køyretøy som er registrert i utlandet, har dei siste åra vore på om lag 2,2 - 2,3 prosent av dei totale passeringane. I 2024 var det totalt om lag 26 millioner passeringer med utenlandsregistrerte kjøretøy. For køyretøy utan Autopass/brukaravtale er det naudsynt med tilgang til køyretøyregistera i dei enkelte landa for å kunne sende rekning til eigar av køyretøyet. Dette manglar per i dag for mellom anna Tyskland medan det vart gitt tilgang til køyretøyregister i Nederland i 2024. Frå 1. mai i år har også bompengeselskapa kunna krevje inn eit gebyr (gjennom eit påslag på fakturaen til eigar) for søk etter eigaropplysningar i ‘opne’ utanlandske køyretøyregister som krev slikt gebyr. Det er venta at dette vil auke inntektene frå køyretøy registrert i utlandet, fordi det da vil vere rekningssvarande for bompengeselskapa å be om desse opplysningane også for dei køyretøya som har få bompasseringar.Statens vegvesen har opplyst at det totale rekna tapet for køyretøy i både takstgruppe 1 og takstgruppe 2 for alle bompengeselskapa grunna manglande tilgang til utanlandske køyretøyregister, var på om lag 140 mill. kr i 2023 – noko som utgjer om lag 1 pst. av dei samla passeringsinntektene. Oppdaterte tal for 2024 vil vere klare innan 1. september i år. Bompengeselskapa rapporterer om slike tap årleg, og det blir ikkje henta inn opplysningar per månad.