Spørsmål

Sveinung Rotevatn (V): Kva er dei estimerte kostnadene som følgje av ei treårig forseinking i ferdigstillinga av Regjeringskvartalet, og kva økonomiske konsekvensar vil ytterlegare forseinkingar medføre?

Begrunnelse

Utbygginga av Regjeringskvartalet er eit av dei største statlege byggeprosjekta i nyare tid. Heile prosjektet var opphavleg planlagt ferdigstilt rundt 2029, med byggetrinn 3 som siste fase. Dette trinnet omfatta opphavleg B-blokka, E-blokka, rehabilitering av G-blokka og etablering av regjeringsparken. Rehabiliteringa av G-blokka og delar av regjeringsparken er seinare flytta til byggetrinn 2, medan framtida til B- og E-blokkene samt siste del av regjeringsparken er uavklart.
I 2022 varsla daverande finansminister Trygve Slagsvold Vedum kutt i prosjektet, der B- og E-blokkene vart tekne ut av planane og oppgraderinga av G-blokka redusert.
I kronikken «Oslo er beleira. Vi treng ein sluttdato for Regjeringskvartalet no!», som stod på trykk 13. august i Aftenposten, kunne vi lese representantar frå eigedomsbransjen si frustrasjon over uvissa rundt ferdigstillinga av Regjeringskvartalet. Dei peika òg på den store økonomiske konsekvensen utsetting av byggeprosjekt har.
Ifølgje NRK er Statsbygg sine eigne anslag at det kostar om lag tre gonger så mykje å bruke eksisterande bygg som å føre opp nye B- og E-blokker.
Forseinkingar har alt bidrege til auka kostnader. I mai 2025 vart det føreslått løyvd ytterlegare 492 millionar kroner, og den samla kostnaden er no anslått til om lag 54 milliardar kroner, opp frå 36,5 milliardar i 2020.

Svar

Svaret er ennå ikke tilgjengelig