Spørsmål

Frank Edvard Sve (FrP): Når har regjeringa og samferdselsministeren tenkt å sette i gang bygginga av ny E39 forbi Batnfjordsøra?

Begrunnelse

E 39 forbi Batnfjordsøra er eit viktig prosjekt i Møre og Romsdal å få sett i gang bygginga av så raskt som mulig.
Regjeringa sin prioritering av samferdselsprosjekter i Møre og Romsdal er mildt sagt begredelig, og det ser ut til at AP og samferdselsministeren har glømt at der finnes eit fylke som heiter Møre og Romsdal.

Svar

Jon-Ivar Nygård: Statens vegvesen si planportefølje er fastsett gjennom Meld. St. 14 (2023–2024) Nasjonal transportplan 2025–2036 og Innst. 439 S (2023–2024). Statens vegvesen la i mai 2025 fram sitt første forslag til prioritering av rekkefølgja i prosjekta i planporteføljen. Prioritering av prosjektstart skjer i dei årlege statsbudsjetta, og er avhengig av Stortinget si tilslutning til eit forslag om kostnadsramme for prosjekta. I Statens vegvesen sitt forslag til porteføljeprioritering er E39 Bjerkeset–Astad prioritert som nummer 9.
Samferdselsdepartementet har i brev av 4. november 2024 til Statens vegvesen gitt føringar om å leggje særleg vekt på jordvern i tunnelalternativet. Reguleringsplan for E39 Bjerkeset–Astad med tunnelalternativ har vore på høyring, der fristen for innspel var 18. august 2025. Statens vegvesen og Gjemnes kommune vurderer høyringsinnspela.
E39 i Gjemnes kommune går i dag gjennom Batnfjordsøra. Vegen er bygd som miljøgate i sentrum med fartsgrense 40 km/t. Vegen er hovudveg for innbyggjarane på Nordmøre mot det nye felles sjukehuset for Nordmøre og Romsdal i Molde kommune. Prosjektet vil sikre at strekninga får høgare standard og redusert reisetid.