Spørsmål

Geir Pollestad (Sp): Vil regjeringa legga fram ei fondsordning i jordbruket, slik eit samla storting har bedt regjeringa om?

Begrunnelse

I innst. 251 S (2016-2017) uttaler næringskomiteen:

Komiteen har merket seg at regjeringen i regjeringsplattformen varsler at:
«Regjeringen vil åpne for en fondsordning i jordbruket etter modell av skogbruket.» Komiteen etterlyser en slik ordning, og mener den vil være viktig for å sikre både investeringer og klimatiltak. Komiteen ber regjeringen legge frem en slik ordning.

Svar

Jon Georg Dale: Eg viser til Prop.1 LS (2017–2018) Skatter, avgifter og toll 2018 frå Finansdepartementet.
I kapittel 30 har regjeringa gitt ei grundig vurdering av spørsmålet om å innføre ei fondsordning i jordbruket. I proposisjonen vert Stortinget informert om at regjeringa ikkje ynskjer å foreslå ei fondsordning for jordbruket etter mønster av skogfondsordninga
Ved handsaminga i Stortinget seier finanskomiteen i Innst. 3 S (2017–2018): "Komiteen tar omtalen til orientering, og viser til de respektive partiers alternative budsjetter."
På bakgrunn av regjeringa si vurdering og Stortingets handsaming av denne, ser eg ikkje grunnlag for å arbeide vidare med ei slik fondsordning.